Другі год запар у канцы кастрычніка ў цэнтры рамёстваў «Спадчына» праходзіць «самае цёплае мерапрыемства ў Гродне» — шэрсцiваль. Паказаць свае калекцыі і прадэманстраваць майстэрства прыехалі валяльшчыцы не толькі з Гродна, але і з Гродзенскай вобласці.
«Мы рады, што шэрсцiваль адбыўся. Нам было прыемна атрымліваць станоўчыя водгукі ад удзельніц. Сёлета да нас далучыліся майстрыцы са Скідзеля, Бераставіцы і Шчучына. Калі летась было толькі восем удзельніц, то ў гэтым годзе — 21», — распавядае прадстаўніца цэнтра «Спадчына» Алёна Курганава.
Чакалі тут прыезду і майстрыц з Мінска ды Віцебска, але ў апошні момант яны не змаглі прыехаць.
На «шэрсцiвалі» было на што паглядзець. У двары цэнтра прайшоў паказ мод — былi прадстаўлены работы Алены Вітко, Алены Ражанкевіч і вучаніц студыі валяння пры цэнтры — агулам 46 мадэляў адзення. У памяшканні прайшлі майстар-класы па валянні, дзе кожны мог паспрабаваць сябе ў гэтай рабоце.
«Вельмі шкада, што гродзенцы не надта актыўна наведваюць мерапрыемствы, звязаныя з рамёствамі. У гэтым годзе рэкламы было нашмат больш, чым летась, а гледачоў чамусьці менш. Нягледзячы на гэта мы будзем працягваць працаваць. У будучыні вельмі хочацца падключыць яшчэ больш іншагародніх майстроў. Ёсць задумка наўпрост на свята прывезці авечак і паказаць людзям як іх стрыгуць і чэшуць потым воўну», — дадала Алёна Курганава.
Дарэчы, у цэнтры «Спадчына» да 23 лістапада праходзіць выстава незвычайных работ з лямца.
Завадчане працягваюць прыцягвацца па артыкуле 19.11 КаАП. Гэта нягледзячы на неаднаразовыя заклікі перагледзець свае сацыяльныя…
23 снежня ў Рэспубліканскі спіс экстрэмісцкіх матэрыялаў унеслі акаўнты ў Facebook і візуальны матэрыял гродзенцаў…
Сайт і сацсеткі сайта Grodno.in прызналі экстрэмісцкімі. Так вырашыў суд Ленінскага раёна Гродна 20 снежня.…
Новыя суддзі з'явіліся ў Гродне і вобласці па ўказе Лукашэнкі. Жыхара Навагрудка судзяць за атрыманне…
На пляцоўцы «Куфар» з'явілася аб'ява аб продажы гродзенскай кавярні «Чашки&ложки». Установа ўжо чатыры гады працуе…
Аб'явы аб здачы памяшканняў у арэнду з'явіліся ў Instagram-акаўнце royal.grodno і на “Куфары”. У аб'явах…