«Што з травой? Скасілі? Хто быў апошні, скіньце фоткі! Ого! Снарады крутыя, клас! Толькі што быў - ужо слупы стаяць!» - апошніх пару дзён не заціхаюць дыялогі ў групе актывістаў, што вырашылі абсталяваць у горадзе пляцоўку для выгулу сабак. Адкрыццё пляцоўкі адбудзецца ўжо 10 чэрвеня і хочацца, каб мерапрыемства парадавала гаражан. Тым больш, што паглядзець на вынікі працы гарадскіх актывістаў прыедзе і здымачная каманда з шоў «Горад». Гэта пляцоўка - «выпускны праект» удзелу ў ім гродзенкі Лены Майсюк.
[irp posts="15 905″ name="У другім сезоне шоў «Горад» будуць удзельнічаць гродзенка Лена Майсюк і лідчанін Саша Аўдзевіч"]
Ідэя з абсталяваннем пляцовак для выгулу сабак у Гродне даўно ўжо вітала ў паветры.
Да гэтай пары ў горадзе, дзе колькасць толькі зарэгістраваных сабак перавышае 3 000, пляцоўка для выгулу была толькі адна. Аднак, каб зрабіць наступную, актывістам прышлося добра пастарацца. Да кіраўніка гарадской ЖКГ хадзілі штотыдзень, як на працу — абмяркоўвалі, якой мае быць сучасная пляцоўка. І нават прыёму ў старшыні гарвыканкама дабіліся, каб узгадніць упарадкаванне месца для выгулу сабак.
[irp posts="23 334″ name=""У баклажана грядка, а мне нужна площадка!" Да гаражан і ўладаў горада звярнуліся сабакі Гродна"]
Ад часу нараджэння ідэі да дня яе рэалізацыі прайшло няпоўных тры месяцы. На былым пустыры каля станцыі пералівання крыві на Вішняўцы ўжо абгароджана месца выгулу, усталяваны снарады для трэніроўкі сабак. А 10 чэрвеня актывісты запрашаюць мясцовых жыхароў і ўсіх ахвотных сабрацца тут, каб скончыць астатнія працы.
Асноўная работа будзе звязана з абустройствам танэля з былых ва ўжыванні пакрышак. Таму будзе добра ўзяць з сабой рыдлёўкі.
Святочная частка імпрэзы распачнецца апоўдні і будзе трымацца наступнай праграмы:
12.00 — Урачыстае адкрыццё пляцоўкі, разрэзванне чырвонай стужкі
12.30 — Выпрабаванні новых снарадаў на пляцоўцы сабакамі. Першапраходцам пляцоўкі мае стаць аляскінскі маламут Осцін
12.30 — Побач з пляцоўкай — заняткі па гімнастыцы хаду для гасцей свята
13.00 — Усталяванне танэля з аўтамабілльных пакрышак
13.30 -Фрысбі з сабакам. Паказальны выступ
14.00 — дзеці малююць на асфальце. Тэма — сабакі ў горадзе
16.00 — другая сесія гімнастыкі хаду
16.30 — урачыстае закрыццё свята, планаванне на абсталяванне наступных пляцовак
Да імпрэзы далучацца сабакі, што разам са сваімі гаспадарамі працуюць у ратавальным кіналагічным атрадзе Чырвонага Крыжа. Усе яны добра сацыялізаваныя, таму спакойна дазволяць дзецям пагладзіць сябе.
[irp posts="13 990″ name="Сабакі, якія ратуюць людзей. Як працуе ў Гродне валанцёрскі кіналагічны атрад"]
Нашы фатографы будуць фатаграфаваць ахвотных з сабакамі. Знайсці свае здымкі можна будзе па хэштэгу #сабакігродна.
Дзеці змогуць пабавіцца з паветраным змеем ці пагуляць у фрысбі.
Найбольш актыўныя ўдзельнікі свята — як людзі, так і сабакі, атрымаюць падарункі - абанементы на некалькі бясплатных гадзін у антыкавярні «Партал», фірмовыя кубкі ад рэдакцыі Hrodna.life, сувеніры ад «Зялёнай сеткі», аўтарскія брошкі ў выглядзе сабак ад Веранікі Гайдэль.
