Гродзенскі эканамічны суд задаволіў пазоў гарадскога пракурора аб канфіскацыі ў прыватных уласнікаў комплексу будынкаў старога піўзавода і перадачы іх у камунальную ўласнасць Гродна, паведамілі ў Генпракуратуры.
Падставай для звароту пракуратуры ў суд былі вынікі праверкі. Яны дазволілі высветліць, што піўзавод, які ўнесены з спіс гісторыка-культурных каштоўнасцей, знаходзіцца ў нездавальняючым стане, хаця ў 2009 годзе, калі быў складзены пашпарт аб’екта, стан быў лепшым. Прыватныя ўласнікі ТАА «ЖаВаС-Інвест» і СТАА «Экапрамэнерга» не выканалі сваіх абавязальніцтваў.
СТАА «Экапрамэнерга» набыло піўзавод у 2010 годзе. Удзельнікі здзелкі падпісалі дадатковае пагадненне да дамовы, згодна з якім пакупнік узяў на сябе абавязак уцягнуць набытую маёмасць у гаспадарчы абарот цягам трох гадоў, упарадкаваць тэрыторыі і пабудаваць паркоўкі цягам двух гадоў, падпісаць ахоўныя абавязальніцтвы.
Уласніку забаронена было перадаваць права ўласнасці на маёмасць без узгаднення з аблвыканкамам. Але ў 2014 без такога ўзгаднення «Экапрамэнерга» прадало завод «ЖаВаС-Інвест». Паводле дамовы ў новага ўласніка ўжо не было абавязкаў па ўвядзенні аб’екту ў гаспадарчую дзейнасць.
Паколькі гэта пагражала захаванасці помніка архітэктуры, пракуратура ініцыявала разарванне гэтых дамоў і вяртанне аб’екта ва ўласнасць горада.
Рашэнне суда ўступіла ў сілу.
