Людзі і справы

«Я дамалюю свой малюнак». У Гродне прайшла выстава ад анкахворых дзяцей

Да дабрачыннага канцэрту ў Цэнтральнай бібліятэцы Гродна прымеркавалі адкрыццё выставы малюнкаў ад дзяцей, якія лечацца ў рэспубліканскім анкашпіталі ў Бараўлянах. Дзеці малююць простыя рэчы — партрэт маці, крамы, банкі, жывёл. І вераць, што дамалююць свае працы пасля лячэння.

— У Бараўлянах знаходзяцца дзеці на працяглым лячэнні: гэта тыдні, месяцы — вельмі доўга, — расказвае Ганна Шыкуць з цэнтру «ПАРА». — Там вельмі добрыя гульнявыя пакоі, з імі знаходзяцца бацькі - тата альбо мама. Там ёсць псіхолагі, выхавальнікі, якія з імі займаюцца. Але дзецям там бывае сумна. Яны знаходзяцца ў адной палаце, не могуць перасоўвацца па іншых паверхах і не заўсёды могуць выйсці на вуліцу.

Традыцыю стварыла гродзенка

Некалькі гадоў таму традыцыю правядзення штомесячнага конкурсу малюнкаў увяла гродзенка Таццяна. Яна там даглядала брата і прапанавала не проста маляваць, а зладзіць цэлую выставу на першым паверсе — «Краіна фантазій». Брат ачуняў, яны вярнуліся ў Гродна, а традыцыя засталася.

«Очень одинокий варан» ад шасцігадовага Лёшы
— Псіхолагі ўбачылі, што ў дзяцей ёсць стымул. Не проста маляваць з мамай у палаце, а ўбачыць малюнак на выставе, атрымаць маленькі прыз. Псіхолагі імкнуцца задаваць тэмы конкурсаў - любімы казачнай герой, мама, будучыня, — расказвае Ганна. - Гэта сумесная творчасць з бацькамі, таму што яны ўвесь час знаходзяцца ў думках: «А што будзе заўтра?». А маляванне дазваляе ім нязмушана праводзіць час разам.

Пра назву выставы

Назва выставы атрымалася са шчымлівай гісторыі. Ідучы на ​​аперацыю, дзяўчынка свой малюнак не дамалявала. І напісала над ім: «Я дамалюю свой малюнак». Аперацыя прайшла, дзяўчынка вылечылася. «Мяне крануў факт, што дзяўчынка ў восем гадоў вось такі філасофскі пасыл дала», — кажа Ганна.

«Королева касоты» ад Машы
Два гады таму ў цэнтры «ПАРА» пачалі збіраць малюнкі і на іх аснове рабіць магніты, каляндарыкі, паштоўкі.

— Гэта магчымасць паказаць, што гэтыя дзеці - такія ж. Яны так жа пакутуюць, гэтак жа радуюцца, гэтак жа мараць. У іх таксама ёсць дзяцінства. Класічны вобраз такога лысенькага, з кругамі пад вачыма, худзенькага дзіцяці там сустракаецца часцей. Але дзеткі, якія выходзяць у стадыю рэмісіі, зусім іншыя. Яны актыўныя, гарэзлівыя, голасныя. Ніколі не скажаш, што гэта дзіця, якое яшчэ паўгода таму было ў тых сценах.

"Королева касоты" ад Машы

Падчас выставы і канцэрту ад «Клуба Арганізаваных Бардаў» сабралі грошы, якія пойдуць на канцылярскія падарункі для 15 першакласнікаў з Бараўлян, якія не змогуць сёлета пайсці на першую лінейку. 29 жніўня да іх прыедуць валанцёры і ўручаць персанальны падарунак кожнаму.

Фота: Наталля Наземцава
— Вельмі хочацца павысіць узровень культуры дабрачыннасці. Каб дабрачыннасць была прыгожай, прыемнай. Каб гледачы атрымалі задавальненне і сышлі з усведамленнем таго, што яны разам зрабілі добрую справу, — кажа Ганна.

Падзяліцца

Апошнія запісы

«Каб цябе пярун забіў!» Як неверагодны пярун 90 гадоў таму трымаў у страху Гродзеншчыну

“Каб цябе пярун забіў!” - адзін з найбольш вядомых беларускіх праклёнаў. У 1934 і 1935…

22 красавіка 2025

Гродзенцы адкрылі грыбны сезон. Дзе ў вобласці шукаць смаржкі і іншыя грыбы?

З надыходам цяпла ў заходніх рэгіёнах Беларусі - Гродзенскай і Брэсцкай абласцях - сталі з'яўляцца…

22 красавіка 2025

Аліўкавыя, залатыя і мармуровыя яйкі. Трэнды Tik Tok на Вялікдзень 2025

Змяшаць два знаёмыя спосабы афарбоўкі яек і атрымаць аліўкавы колер, знайсці спосаб з дапамогай хімічнай…

17 красавіка 2025

«Усё жыццё мару, што нехта са сваякоў знойдзецца». Гродзенка расказала, як пасля вайны не змагла з’ехаць у Польшчу і трапіла ў Казахстан

Яніна Міхайлаўна Земба нарадзілася ў Гродне ў 1934 годзе. Падчас нямецкай акупацыі яе маму вывезлі…

10 красавіка 2025

Мільярды еўра — Варшаве, мільёны — Мінску. Параўналі, як Польшча і Беларусь выкарыстоўвалі еўрапейскія гранты

«Еўрасаюз нам не патрэбен!» Гэты наратыў папулярны не толькі ў беларускай прапаганды, але і ў…

9 красавіка 2025

Як з беларускіх зямель даплывалі да Амерыкі 100 год таму: расказвае падкаст «Зямля свабоды»

У пошуках лепшага жыцця тысячы людзей выязджалі з беларускіх зямель больш за сто год таму.…

9 красавіка 2025