Вуліца Кляшторная, якую «дабіў» Дом быту: як выглядала, куды знікла і чаму яе трэба аднавіць

На гэтай вельмі старой вуліцы ўжо ў пачатку ХХ стагоддзя перакрыжаваліся сучаснае і старажытнае. Ад цэнтра горада Кляшторная была адгароджана масівам тытунёвай фабрыкі, якая ў той час была самым вялікім прамысловым прадпрыемствам усёй Беларусі. Таму прысмак тытуню тут адчуваўся заўсёды.


Узгадваем тэкст, які раней публікавалі на «Тваім стылі».


Бліжэй Замкавай на вуліцы знаходзіліся камяніцы, збудаваныя найпазней у пачатку XVIII ст. Іх зруйнавалі толькі ў канцы 1960-х гг., каб адкрыць від на цуд савецкай архітэктуры — Дом Быта. Каля жаночага кляштару Раства Багародзіцы на вуліцы стаялі згубленыя сярод зеляніны сядзібы мясцовай шляхты — між іншым тут нарадзіўся Юліюш Румель, генерал, які восенню 1939 году кіраваў абаронай Варшавы ад фашыстаў. А далей пачынаўся роў, які аддзяляў Кляшторную ад Новага Замка і вёў да Нёмана. Пройдземся па гэтай вузенькай брукаванай вулачцы.

У часы Напалеона Орды Кляшторная была забудавана дамкамі-сядзібамі, якія захаваліся да пачатку ХХ ст., змяшаўшыся з карпусамі тытунёвай фабрыкі ды мураванымі жылымі камяніцамі.

Кляшторная вуліца ў 1915 годзе — ад скрыжавання з Замкавай да рова, які вёў на Падол да старой пераправы праз Нёман. Справа масіў сучаснай пальчаткавай фабрыкі. На фота лёгка зарыентавацца па дамах на Замкавай, якія стаяць і сёння.
1916 год. На пярэднім плане Маставая вуліца, на другім плане Кляшторная.
Цікавы малюнак тытунёфай фабрыкі Шарашэўскага 1906 года. Пярэдні фасад нам добра вядомы і сёння — ён выходзіць на Савецкую плошчы. А вось задняя частка не захавалася. Гэта і ёсць забудова Кляшторнай вуліцы.
Вузенькая вулачка, што пачынаецца паміж трохпавярховым будынкам у цэнтры і аднапавярховым домікам — гэта і ёсць Кляшторная. За будынкамі кляштар Раства Багародзіцы ад якога вуліца і атрымала сваю назву.
Вуліца Замкавая ў 1941 г. Справа за трохпавярховым будынкам паварот на Кляшторную.
Ці не адзіны ацалелы здымак, зроблены з самой вуліцы Кляшторнай. Амаль уся забудова ўжо знішчана, але адкрываецца перспектыва на Фару Вітаўта. Дарэчы, выходзячы на Замкавую, Кляшторная заканчвалася прыгожай брамкай паміж дамамі № 3 і № 5. Гэтая брамка захавалася дасюль.
Такая панарама на цэнтар горада была ў 1944 годзе. Злева бачныя некалькі домікаў Кляшторнай вуліцы. Прама — адноўленыя пасля вайны дамы № 3 і № 5 па Замкавай вуліцы. Справа — Фара Вітаўта.
У 1968 годзе за Палацам тэкстыльшчыкаў яшчэ заставалася некалькі дамкоў былой Кляшторнай, пераіменаванай тады ўладамі ў Фабрычную, але ўжо быў падрыхтаваны катлаван Дома быту.
Чорным колерам паказаныя дамы, якія існуюць сёння. Як бачым, ад былой Кляшторнай засталася толькі частка карпусоў пальчаткавай фабрыкі. Вуліцу перакрывае вугал Дома быта — ці не самага пачварнага будынка ў гістарычным цэнтры, знесці які проста неабходна і для адбудовы вуліцы Кляшторнай і для ўпрыгожання вуліцы Замкавай.

Если вы хотите создать уют и определенную атмосферу в вашем доме, то без использования тюли, вам этого не достичь. Предлагаем вам обратить внимание на качественные тюли от магазина Антураж. Широкий ассортимент, множество расцветок и приятные цены.


Падзяліцца

Апошнія запісы

«Каб цябе пярун забіў!» Як неверагодны пярун 90 гадоў таму трымаў у страху Гродзеншчыну

“Каб цябе пярун забіў!” - адзін з найбольш вядомых беларускіх праклёнаў. У 1934 і 1935…

22 красавіка 2025

Гродзенцы адкрылі грыбны сезон. Дзе ў вобласці шукаць смаржкі і іншыя грыбы?

З надыходам цяпла ў заходніх рэгіёнах Беларусі - Гродзенскай і Брэсцкай абласцях - сталі з'яўляцца…

22 красавіка 2025

Аліўкавыя, залатыя і мармуровыя яйкі. Трэнды Tik Tok на Вялікдзень 2025

Змяшаць два знаёмыя спосабы афарбоўкі яек і атрымаць аліўкавы колер, знайсці спосаб з дапамогай хімічнай…

17 красавіка 2025

«Усё жыццё мару, што нехта са сваякоў знойдзецца». Гродзенка расказала, як пасля вайны не змагла з’ехаць у Польшчу і трапіла ў Казахстан

Яніна Міхайлаўна Земба нарадзілася ў Гродне ў 1934 годзе. Падчас нямецкай акупацыі яе маму вывезлі…

10 красавіка 2025

Мільярды еўра — Варшаве, мільёны — Мінску. Параўналі, як Польшча і Беларусь выкарыстоўвалі еўрапейскія гранты

«Еўрасаюз нам не патрэбен!» Гэты наратыў папулярны не толькі ў беларускай прапаганды, але і ў…

9 красавіка 2025

Як з беларускіх зямель даплывалі да Амерыкі 100 год таму: расказвае падкаст «Зямля свабоды»

У пошуках лепшага жыцця тысячы людзей выязджалі з беларускіх зямель больш за сто год таму.…

9 красавіка 2025