Схадзілі на самы смачны фестываль года, паслухалі музыку, пагулялі ў «Мазгабойню» і зацанілі фотазоны. І самае галоўнае — сабралі фаст-фуд, па якім мы будзем сумаваць.
1. Дранік-бургеры
Дранік увогуле нічым не сапсуеш. А тут паміж двума дранікамі размяшчаюць начынку — курыцу або ялавічыну, сыр і гародніну. Смаката!
2. Суўлакі
Гэта грэцкая страва. У лаваш заварочваюць бульбу, мяса (можна фалафель), памідоркі, салату і цыбулю. За кошт бульбы страва становіцца вельмі сытнай. Калі вы не любіце цыбулю, варта папярэдзіць пра гэта заранёў!
3. Хашлама
Хашлама — страва з каўказскай кухні, якую таксама прадставілі на фэсце. Там заўсёды шмат мяса, тлушчу і наварыстасці. Хашлама — гэта густы суп з кавалкамі мяса, які добра сагрэў бы нашымі зімамі і беларусаў.
4. Аўтарскія ліманады і гарбата з самавару
Увогуле, усё «аўтарскае» — заўсёды добра, бо гэта незвычайна і непрадказальна. У Гродне развіваецца кававая культура, а вось кактэйлі і ліманады з сабой браць людзі яшчэ не прызвычаіліся.
5. Аўтарскія соўсы
Барбекю, чылі, кунжут, грын, цэзар — аўтарскія соўсы заўсёды лепш, чым кетчуп ці маянэз з крамы.
