Владимир Наумик во время суда по видеосвязи. Он находится в СИЗО в Минске
У абласным судзе 30 чэрвеня гродзенцу Уладзіміру Навуміку вынеслі прысуд па двух артыкулах Кодэкса аб адміністрацыйных правапарушэннях (КаАП). Мужчыну затрымалі 29 траўня разам з блогерам Сяргеем Ціханоўскім.
Разглядаліся адміністрацыйныя справы ў будынку Гродзенскага абласнога суда. Абвінавачаны ў зале не прысутнічаў, ён працягвае знаходзіцца ў СІЗА № 1 у Мінску. На судзе ён прысутнічаў па відэасувязі.
Судзілі Навуміка па артыкулах 17.1 КаАП (дробнае хуліганства) і 23.4 КаАП (Непадпарадкаванне законнаму распараджэнню ці патрабаванню службовай асобы пры выкананні). Сведкамі на судзе выступалі супрацоўнікі АМАПу Павел Халява і Аляксандр Мацкевіч.
Чытайце падрабязней: У Гродне пачаўся суд над Уладзімірам Навумікам. Сведкі кажуць, што ён перашкаджаў працы міліцыі
29 чэрвеня Навумік папрасіў суддзю падчас першага пасяджэння прадаставіць відэа са свайго тэлефона, які быў канфіскаваны ў межах крымінальнай справы, і відэа падзеяў на плошчы 29 траўня з інтэрнэту. Хадайніцтва спачатку было адхілена, але, па просьбе жонкі і бацькі мужчыны, суддзя дала магчымасць Навумікe даказаць сваю невінаватасць.
У судовым працэсе быў перапынак да 30 чэрвеня. На наступны дзень разгляду справы суддзя не палічыла прадастаўленыя абаронай відэа доказам невінаватасці Навуміка. Відэа былі прадстаўлены з розных рэсурсаў: ТУТ.БАЙ, тэлеграм-каналаў і тэлеканала «Беларусь-1».
На адным з відэа бачна, як Навумік сыходзіць за службовы аўтамабіль. Са слоў абвінавачанага, там яго і затрымалі. Але на відэа не бачна, каб ён лаяўся матам ці аказваў супраціў супрацоўнікам міліцыі. На падставе недакладных паказанняў сведак і адсутнасці правапарушэння на відэа абарона Навуміка прасіла суд спыніць справу. Але суд прызнаў гродзенца вінаватым і прысудзіў дадаткова 10 сутак адміністрацыйнага арышту. У СІЗА ў Мінску Уладзімір Навумік знаходзіцца ўжо месяц.
29 траўня ў абласным судзе па відэасувязі разглядалася адміністрацыйная справа яшчэ аднаго затрыманага гродзенца Васіля Баброўскага, які знаходзіцца ў СІЗА № 1 у Мінску. Яго затрымалі 29 траўня разам з Навумікам, Ціханоўскім і іншымі. Яму, як і Навуміку, таксама прысудзілі 10 сутак адміністрацыйнага арышту.
Чытайце таксама:
Раней Уладзіміру Навуміку было прад’яўленае абвінавачванне па ч. 1 арт. 342 КК (Арганізацыя і падрыхтоўка дзеянняў, што груба парушаюць грамадскі парадак). Таксама ён падазраваны па арт. 364 КК (Гвалт альбо пагроза ўжывання гвалту ў дачыненні да супрацоўніка органаў унутраных спраў).
У Гродне затрымалі палітычных актывістаў. Увечары 29 траўня на пікеце падчас збору подпісаў за Святлану Ціханоўскую адбыўся інцыдэнт, у выніку якога блогера Сяргея Ціханоўскага і некаторых яго прыхільнікаў затрымала міліцыя. Сярод затрыманых — сябра ініцыятыўнай групы Дзмітрый Фурманаў. Удзельніцу верагоднай правакацыі супраць Ціханоўскага апазналі ў сацсетках.
Затрыманні працягнуліся на наступны дзень. 30 траўня затрымалі актывіста Мікалая Саляніка, які днём раней вёў перамовы з кіраўніцтвам міліцыі і спрабаваў даведацца, за што быў затрыманы і дзе знаходзіцца Ціханоўскі. Праваабарончы цэнтр «Вясна» склаў спіс затрыманых у Гродне. Частку з іх перавезлі ў Мінск.
Гэта не спыніла ініцыятыўную групу Ціханоўскай. Афіцыйна было заяўлена, што падчас інцыдэнту пацярпеў міліцыянт. Узбуджаная крымінальная справа па факце гвалту ў адносінах да супрацоўнікаў органаў унутраных справаў. Нягледзячы на гэта, на наступныя дні да пікету Святланы Ціханоўскай выстраіліся чэргі — людзі стаялі, каб аддаць подпіс, нават пад дажджом.
Праваабаронцы прызналі Сяргея Ціханоўскага і іншых затрыманых у Гродне палітычнымі вязьнямі.
У выніку пад удар патрапілі і выпадковыя людзі. Увечары 29 траўня ў сацсетках пачалося цкаванне выпадковага чалавека, якога прынялі за супрацоўніка органаў у цывільным, які ўдзельнічаў у затрыманні ў Гродне. У дзяржаўных СМІ з другога боку пачалося цкаванне 81-гадовай пенсіянеркі Галіны Філіпаўны, якая падчас стрыму з Савецкай плошчы выказалася супраць Лукашэнкі і ў падтрымку Ціханоўскіх. Пенсіянерку Станіславу Дамшэль, якая 29 траўня таксама была на Савецкай, абвінавацілі ў дробным хуліганстве, але яна не пусціла міліцыю да сябе дадому. Выпадковыя людзі былі і сярод затрыманых на плошчы.
У міжваенны час Гродна набыло незвычайную славу. Горад стаў месцам прыцягнення незвычайных турыстаў - тых,…
Ці хапае ў цэнтры Гродна прадуктовых крам? Спрэчкі наконт гэтага выклікала адкрыццё на перакрыжаванні Савецкай…
Прыбраныя ялінкі, свечкі, навагоднія вянкі і гірлянды, аксаміт, светлы ці цёмны фон на выбар. Гродзенскія…
Улады стварылі новую платформу “меркаванне.бел”. Яе пазіцыянуюць як анлайн-пляцоўку, на якой кожны зможа ў вольнай…
Калекцыя адзення гродзенкі Кацярыны Карлацяну дэбютавала гэтай восенню на Парыжскім тыдні моды. А пачыналася ўсё…
Гродзенец Раман Нагула амаль паўжыцця працуе з дрэвам. Школьнікам ён пачынаў з бейсбольных біт, а…