Што рабіць з Вітаўтам? У Гродне драўляная статуя вялікага князя можа хутка зваліцца

Ужо некалькі месяцаў гродзенскія экскурсаводы б’юць трывогу з-за стану помніка Вітаўта каля замкаў. У апошні час драўляная скульптура і зусім нахілілася, але вось ратаваць яе ніхто пакуль не спяшаецца.

Статую вялікага князя літоўскага Вітаўта паставілі каля гродзенскіх замкаў яшчэ ў пачатку 90-х гадоў. Скульптура стала падарункам гораду ад Літоўскага фонду культуры. Такі ж драўляны Вітаўт быў пастаўлены і ў Троках. Толькі ў параўнанні з беларускай копіяй ён зараз выглядае куды лепш.

Вітаўта не нагнуць, але ён нахіліўся

Адным з першых на праблему статуі Вітаўта ў Гродне звярнуў увагу рамеснік Павел Каскенаў, які працуе ў трох метрах ад помніка.

«Вітаўта ня нагнуць, ён ўстойлівы таварыш. Але факт застаецца фактам, праблема сёння ёсць — помнік прыкметна нахіліўся і можа ў любы момант зваліцца. Я тут ужо чатыры гады працую, але за гэты час яго ніхто так і не адрэстаўраваў», — адзначыў Павел.


Дырэктар гісторыка-археалагічнага музея Юрый Кітурка расказаў Hrodna.life, што музей за помнік не адказвае. Прапанаваў звярнуцца ў гарадскія службы. Драўляны Вітаўт знаходзіцца на балансе горада. Мясцовая ЖКГ аб праблеме ведае, але рэстаўраваць помнік пакуль не спяшаюцца. Ходзяць чуткі, што скульптуру ўжо не выратаваць. У гарвыканкаме пакуль сітуацыю не каментуюць.

Скульптуру трэба вывучыць

Вядомы гродзенскі разбяр па дрэве Мікалай Скляр адзначае, што такія драўляныя статуі, як Вітаўт, стаяць на вуліцы не больш за 50 гадоў.

«Для пачатку трэба вывучыць гэтую скульптуру, а так мне пакуль цяжка нешта казаць. Усё роўна, колькі помнік стаіць, магчыма, яго яшчэ можна выратаваць пры сучаснай абароне і пакрыццях. Такія скульптуры на вуліцы стаяць дзесьці па 50 гадоў. Але пакуль праяўляць ініцыятыву я не буду, ужо неяк узяўся за ясень з парку Жылібера. І дзе зараз гэтая скульптура? Ёсць гарадскія ўлады, хай яны і вырашаюць».

«Не варта забываць, што гэта падарунак»

Грамадскі актывіст Дзмітрый Бандарчук лічыць, што гараджанам час задумацца аб новым і бронзавым помніку Вітаўту.

«Можна пакпіць і сказаць, што сённяшні помнік паказвае на каласальныя змены ў Старым замку. І хацелася б верыць, што гэта не звязана з будаўнічымі работамі. Але гэты Вітаўт ужо 30 гадоў у Гродне пад адкрытым небам, і гэта галоўная прычына яго няўстойлівага стану. Не варта забываць, што гэта падарунак, таму яшчэ не позна яго захаваць пад дахам якой-небудзь установы. А гэта месца ўжо замацавана за Вітаўтам. Магчыма, пасля Ліды, Слоніма, Навагрудка, Дзятлава і ў Гродне з’явіцца бронзавы помнік вялікаму князю. Можа і раней, бо шмат што залежыць ад мясцовай супольнасці».

Даведка

Вялікі князь літоўскі Вітаўт жыў у Гродне і зрабіў наш горад другой сталіцай ВКЛ. Вітаўт пабудаваў у Гродне каменны замак, які цяпер мы называем Старым. У канцы XIV стагоддзя замак разбурылі крыжакі, аднак вялікі князь яго зноў адбудаваў. Тут ён заключыў пагадненне з ордэнам крыжакоў і гуляў сваё вяселле. Пасля перамогі саюзных войскаў у Грунвальдскай бітве Гродна пры Вітаўце стаў вельмі хутка развівацца.

Падзяліцца

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025