«Ва ўсёй Еўропе захоўваюць такія дамы». Турыстка з Сінгапуру пра знос пабудоваў у Новым Свеце

Для Джын з Сінгапуру візіт у Беларусь стаў знакавым. Некалькі апошніх гадоў яна падарожнічала, каб наведаць усе еўрапейскія краіны. Беларусь заставалася апошняй у спісе. Цяпер ён зачынены.

У нашай краіне турыстка вырашыла наведаць чатыры горада. У іх лік увайшоў і Гродна. Джын прыехала сюды 4 траўня. Гід-перакладчык Андрэй Бурдзянкоў паказаў турыстцы не толькі замкі і касцёлы, але і ўнікальны раён Новы Свет, які знаходзіцца пад пагрозай зносу. Джын заклікала гарадскія ўлады ратаваць гэтую спадчыну, як гэта робяць ва ўсёй Еўропе, каб прыцягваць турыстаў.

«Калі мне трэба паглядзець якія-небудзь новыя будынкі, я магу гэта зрабіць не выязджаючы з Сінгапура, — распавядае Джын. — У Беларусь я прыехала ўбачыць тое, чаго няма ў нас. Менавіта старая забудова і прыцягвае сюды турыстаў. Па ўсёй Еўропе драўляныя дамы імкнуцца захаваць, а ў вас чамусьці наадварот. Нават у маім родным Сінгапуры, які шчыльна забудаваны сучаснымі будынкамі, мы сутыкаемся з падобнымі сітуацыямі. Зараз мы стараемся ператварыць такія прыклады спадчына ў крамы, рэстараны і хостэлы. Гэта важна для гісторыі - паказаць, якім горад ці селішча былі раней».

Жанчына кажа, што яе ўразілі драўляныя пабудовы ў Гродне і яны могуць стаць візітнай карткай горада. Яна заклікае гарадскія ўлады звярнуць на іх увагу.

Гід-перакладчык Андрэй Бурдзянкоў, калі прывозіць турыстаў у Гродна, абавязкова знаёміць іх з пабудовамі ў Новым Свеце.

«Пешаходная вуліца з брукам, касцёлы, замкі і музеі - гэта ўсюды ёсць. Новы Свет — гэта гарадзенская асаблівасць, тут свая атмасфера. З вялікім задавальненнем я прыводжу сюды турыстаў і паказваю розныя стылі будынкаў. За апошнія гады Новы Свет страціў ужо шмат дамоў, цяпер яшчэ загаварылі пра чарговы знос, тым больш каштоўных пабудоў. Гэтага нельга дапусціць», — сказаў Андрэй.

Гарадскія ўлады маюць намер 28 мая правесці аўкцыён і прадаць зямлю ў Новым Свеце на вуліцы Міцкевіча пад будаўніцтва.

Калі знойдзецца інвестар, пад знос пойдуць дзве ўнікальныя драўляныя пабудовы.

Па ўмовах аўкцыёну, забудоўшчык узвесці тут будынак грамадскага прызначэння. Ён будзе 2−3-павярховы, магчыма з мансардным паверхам, з памяшканнямі адміністрацыйнага, гандлёвага, бытавога прызначэння, гасцінічнымі нумарамі. Плошча ўчастка 20 сотак. Пад знос ідуць не толькі дамы № 7 і № 9, але і № 5, і № 7а. У апошнім яшчэ жыве сям’я.

Таргі пачнуцца з 24,3 тысяч рублёў.

Теряем наше наследие: гродненцев призывают писать в горисполком в защиту домов в Новом Свете

Даведка

Вуліца Міцкевіча ўтварылася ў другой палове XIX стагоддзя. На плане горада 1882 года яна ўжо пазначаная, але яшчэ не мае назвы. На карце 1900 года вуліца называецца Сувораўскай. З другой паловы 1920-х гадоў яна носіць імя Міцкевіча.

Вуліца уваходзіць у раён Новы свет. Ён быў пабудаваны ў пачатку XX стагоддзя і з’яўляецца ўзорам драўлянай архітэктуры.

Апошнія запісы

«Каб цябе пярун забіў!» Як неверагодны пярун 90 гадоў таму трымаў у страху Гродзеншчыну

“Каб цябе пярун забіў!” - адзін з найбольш вядомых беларускіх праклёнаў. У 1934 і 1935…

22 красавіка 2025

Гродзенцы адкрылі грыбны сезон. Дзе ў вобласці шукаць смаржкі і іншыя грыбы?

З надыходам цяпла ў заходніх рэгіёнах Беларусі - Гродзенскай і Брэсцкай абласцях - сталі з'яўляцца…

22 красавіка 2025

Аліўкавыя, залатыя і мармуровыя яйкі. Трэнды Tik Tok на Вялікдзень 2025

Змяшаць два знаёмыя спосабы афарбоўкі яек і атрымаць аліўкавы колер, знайсці спосаб з дапамогай хімічнай…

17 красавіка 2025

«Усё жыццё мару, што нехта са сваякоў знойдзецца». Гродзенка расказала, як пасля вайны не змагла з’ехаць у Польшчу і трапіла ў Казахстан

Яніна Міхайлаўна Земба нарадзілася ў Гродне ў 1934 годзе. Падчас нямецкай акупацыі яе маму вывезлі…

10 красавіка 2025

Мільярды еўра — Варшаве, мільёны — Мінску. Параўналі, як Польшча і Беларусь выкарыстоўвалі еўрапейскія гранты

«Еўрасаюз нам не патрэбен!» Гэты наратыў папулярны не толькі ў беларускай прапаганды, але і ў…

9 красавіка 2025

Як з беларускіх зямель даплывалі да Амерыкі 100 год таму: расказвае падкаст «Зямля свабоды»

У пошуках лепшага жыцця тысячы людзей выязджалі з беларускіх зямель больш за сто год таму.…

9 красавіка 2025