Гэтым разам аўтарка выбралася прагуляцца па горадзе ў вельмі дажджлівы дзень. Надвор’е не спрыяала, але мы пастараліся і знайшлі стыльных і яркіх людзей. Даведаліся, што гродзенцы ў асноўным апранаюцца ў Польшчы, а любімыя маркі - H&M, Zara і Bershka.
Кацярына, вучыцца ў ЕГУ на перакладчыка
У школе я вучылася ў спецыялізаваным класе, дзе добра выкладалі англійскую мову. Мне гэта падабалася і добра давалася. Зараз я вучуся на перакладчыка, вучоба мне падабаецца і не дастаўляе асаблівых складанасцяў, паралельна хаджу ў трэнажорную залу — гэта маё хобі.
Вопратку я звычайна купляю ў Польшчы. Больш за ўсё з марак мне падабаюцца H&M, Zara, Pull and Bear, Bershka, Stradivarius. У Гродне мне падабаецца магазін абутку Linxs, але, калі шчыра, я тут практычна ніколі не купляю вопратку.
З беларускіх крамаў мне падабаецца Mark Formelle, BELWEST, цяпер на мне чаравікі адтуль. Сёння на мне куртка ад Bershka. Чокер і майку падбірала пад куртку.
Яўгенія
Часцей за ўсё апранаюся ў Польшчы. Маркі для мяне не маюць значэння, што бачу і падабаецца, то і бяру. Звычайна пад руку трапляюцца сэканд хэнды ў Гродне. Мой любімы — на Урублеўскага, 3.
Сёння на мне ўсё практычна з сэканда. Куртка — Dorothy Perkins. Сумачка ад кіеўскіх дызайнераў Freakdays. Мне цікавы беларускі дызайн, але цэны на яго проста касмічныя. Таму нават не звяртаю ўвагі, ну можа быць толькі партупея.
Значна танней замовіць у дызайнераў з Украіны, бо цана з дастаўкай выходзіць у 2−3 разы ніжэй чым за аналагічнае ў Гродне ці Мінску. У беларускіх крамах набываю нешта рэдка.
[irp posts="19 107″ name="Паход у сэканд: як выглядаць класна за 10 рублёў"]
Авантурыст
Гэты герой папрасіў не называць свайго імя і распавёў цэлую кучу дзіўных гісторый са свайго жыцця, якіх бы хапіла не на адзін артыкул. Мы зразумелі, як сумна жывем, і пакінулі толькі тыя выказванні, што звязаны з адзеннем.
Родам я з Сібіры. Жыў у Сінгапуры, Амерыцы, нядаўна вярнуўся ў Гродна.
У вопратцы ўвагу звяртаю на незвычайнасць і зручнасць. Байку купіў у Перу, яна з воўны ламы і зусім не прадуваецца. Шалік амерыканскі, кепка імянная з Камбоджы, штаны з ЗША. Гэтымі штанамі я вельмі ганаруся, па-першае — колер незвычайны, па-другое — яны ад Calvin Klein. Адна з лепшых фірм у ЗША.
Чаравікі я не купляў. У ЗША ёсць боксы, куды людзі здаюць непатрэбныя рэчы. Неяк я прагульваўся і ўбачыў, як перагружаюць рэчы з гэтых боксаў - вось я іх і ўзяў. Першы пярсцёнак (на фота справа налева) я купіў на апошнія грошы ў студгарадку ў часы свайго студэнцтва. Гэта рубін. Я яго ніколі не здымаю. Другі купіў у В’етнаме, гэта сапфір. Трэці купіў у Камбоджы.
[irp posts="20 028″ name="Стыльныя людзі Гродна: 5 гродзенскіх лукаў і дзе апранаюцца іх героі"]
Кацярына, працуе медсястрой
Я працую ў радзільні медсястрой з маленькімі дзеткамі. Прафесію выбрала асабліва не думаючы, а потым зразумела, што гэта маё.
Вопратку я звычайна замаўляю ў інтэрнэце з Польшчы. Маркі, якія мне падабаюцца — Zara, Bershka. З беларускіх крамаў выбіраю Marko. Сёння на мне куртка — Zara, сукенка, абутак і сумачка — Bershka.
Сяброўкі Улада (на фота справа) і Лена (на фота злева)
Улада, вучыцца на турызме ў ГрДУ:
Мне падабаецца падарожнічаць, таму выбрала такую прафесію.
Апранаюся звычайна ў Польшчы. Любімыя маркі - Only, Zara, Adidas, Nike, Skechers. Рэчы ў беларускіх крамах я купляю рэдка, падабаюцца маркі - Milavitsa, Serge, Mark Formelle.
Зараз на мне абутак Skechers, шкарпэткі з Aliexpress з бульдогам, паліто я купіла ў Лондане.
Лена, вучыцца на інжынера-энергетыка ў Мінску:
Я звычайна апранаюся ў сэкандах. Мой любімы ў Гродне на праспекце Касманаўтаў, 81, яшчэ на Пушкіна падабаецца. Перад тым як пайсці ў сэканд, я падбіраю вобразы, якія мне падабаюцца і калі бачу падобныя рэчы, то купляю. Таксама там гляджу базавыя рэчы — чорная сукенка, чорны гольф. З беларускіх крамаў мне падабаецца Mark Formelle, Conte, шкарпэткі там можна купіць прышпільныя.
Зараз на мне абутак Vans, джынсы De Facto.
Фота № 9,10
[irp posts="177″ name="Дапаможнік гарадзенца: як закупацца ў сэканд-хэндах"]
