Цыгарэты ў схованцы ў адной з лонданскіх крамаў
Фабрыка ў Гродне вырабляе больш за 20 мільярдаў цыгарэт у год. Каля траціны з якіх, як лічыцца, кантрабандна трапляюць у ЕС. Яны даходзяць у выніку нават да Вялікабрытаніі: 610 млн незаконна прададзеных у краіне цыгарэт паходзяць менавіта з Беларусі, перадае BBC News.
Пачак цыгарэт можна купіць у Беларусі за эквівалент 40 пенсаў, а прадаецца ён у Вялікабрытаніі за тры фунты, што робіць незаконны гандаль вельмі прыбытковым.
Па падліках брытанскіх падатковых службаў, страты бюджэту ад гандлю беларускімі NZ, «Мінск» і «Фэст» склалі летась 1,6 млрд фунтаў.
Журналісты BBC не атрымалі дазволу на ўезд на фабрыку «Нёман» і не змаглі пагаварыць з кіраўніцтвам. «Вытворчасць тытунёвых вырабаў з’яўляецца камерцыйнай таямніцай прадпрыемства», — сказалі ім. Ніякіх доказаў таго, што фабрыка спрыяе незаконнага гандлю, няма.
Цыгарэты з Гродне можна купіць на рынках па ўсёй Літве за эквівалент 1,50 фунта. Але рэальныя грошы зарабляюць на далейшай перапраўцы іх у Германію, Італію і Вялікабрытанію. Яны трапляюць туды праз тунэль пад Ла-Маншам, на мікрааўтобусах, або дзеляцца на невялікія партыі і адпраўляюцца з багажом пасажыраў авіярэйсамі. Частка транспартуецца па моры ў кантэйнерах.
BBC правяло эксперымент: спрабавала купіць гродзенскія цыгарэты ў крамах і ў інтэрнэце ва ўсходняй частцы Лондана. На працягу дзвюх гадзін яны купілі тыя ж самыя брэнды ў чатырох розных крыніц: у газетным кіёску, краме, з рук невядомага чалавека. Схованкі вышукваюць праваахоўнікі з сабакамі, а ўласніку такога кіёска з нелегальнымі цыгарэтамі пагражае штраф 5000 фунтаў.
Белавежская пушча сёння раздзеленая не на дзве, а насамрэч на тры часткі: беларускую, польскую і…
Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…
У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…
Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…
Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…
У 500 метрах ад плота, узведзенага на польскім баку мяжы з Беларуссю, стаіць вёска Азяраны…