«Прыйшоў час ЧЕ?» У Гродне Сяргей Чэрачэнь распавёў, з чым ідзе на выбары

Гродна стаў першым горадам, куды са сваёй камандай прыехаў прэтэндэнт у кандыдаты на выбарах прэзідэнта Беларусі Сяргей Чэрачэнь. 23 траўня ён зладзіў пікет па зборы подпісаў у падтрымку сваёй кандыдатуры.

«Пачынаем з Гродна. Тут надвор’е добрае. Ды і наша каманда вырашыла ехаць у першую чаргу ў гэты горад, таму што тут у нас хапае прыхільнікаў і ёсць прадстаўніцтва партыйнай структуры», — кажа Чэрачэнь.

Хто такі Сяргей Чэрачэнь?

Нарадзіўся ў 1985 годзе ў Крычаве Магілёўскай вобласці. Вучыўся ў Беларускім дзяржаўным універсітэце інфарматыкі і радыёэлектронікі на спецыяльнасці «Шматканальныя сістэмы тэлекамунікацый», паралельна — у Інстытуце бізнес-тэхналогій «Атлант-М».

З 2016 года пачаў займацца грамадскай дзейнасцю. З 2018 года стаў старшынёй партыі «Грамада». Таксама з 2018 года Сяргей Чэрачэнь з’яўляецца дырэктарам ТАА «С58 Тэхноладжыз» — кампаніі, якая займаецца інвестыцыйнай і кансалтынгавай дзейнасцю.

З чым Сяргей Чэрачэнь ідзе на выбары?

Чэрачэнь прапануе беларусам стварыць новую краіну для жыцця і адкрыць яе для ўсяго свету. Стварыць умовы для развіцця малога і сярэдняга бізнесу, а таксама вярнуць беларусам падтрымку і абарону дзяржавы.

«Я шмат падарожнічаў, часта праводжу перамовы з партнёрамі і аднадумцамі і бачу, як людзі жывуць у іншых краінах. А што ў нас? Сацыяльныя гарантыі мізэрныя, фінансавая несправядлівасьць і многае іншае, што неабходна мяняць і паляпшаць. Па працы я штодня сутыкаюся з мноствам пытанняў, якія трэба вырашаць. А колькі ў нас некампетэнтных людзей на кіруючых пасадах, некаторыя з іх ствараюць бачнасць працы. А бо так быць не павінна».

Ці гатовая Беларусь да пераменаў?

Сяргей Чэрачэнь уступае ў прэзідэнцкую кампанію з дэвізам: «Эвалюцыя улады — наш шлях развіцця дзяржавы». Толькі моцная эканоміка краіны з’яўляецца асновай сацыяльных гарантый і магчымасцяў.

«Беларусь гатовая да пераменаў, але нашы людзі цяпер у пэўнай апатыі. Беларусам трэба паказаць, што сёння ёсць калектывы і каманды, якія могуць узяць на сябе адказнасць за будучыя перамены. А яны хутка наступяць, я ў гэтым упэўнены. Мы жывем не ў ізаляцыі і людзі бачаць, як можна жыць насамрэч. Рана ці позна перамены наступяць, але каб яны былі не хаатычныя, а строга структураваныя, павінны быць людзі, якія павінны ўзяць на сябе адказнасць.

Канкурэнты на выбарах

Свае кандыдатуры на прэзідэнцкія выбары 2020 года вылучыла 15 чалавек.

«Я лічу, што сярод кандыдатаў ёсць годныя людзі, у якіх за плячыма пэўныя дасягненні. На мой погляд, сама кампанія будзе цікавая, таму што з’явіліся людзі, якія раней не былі звязаны з палітыкай, але яны ўсталі і расправiлi свае плечы і вырашылі паспрабаваць. Гэта добры паказчык для нашай краіны і паказчык таго, што змены ў нашай краіне хутка наступяць».


Чытайце таксама:

«Есть ли козырь в рукаве? Есть!» Валерий Цепкало говорил в Гродно о коронавирусе, фальсификациях и отношениях с Россией

«Если Лукашенко захватит власть на выборах, будет партизанская война». 9 убеждений блогера Тихановского

Кого ЦИК допустила к участию в выборах президента

Средства защиты и ставка на пикеты. Как претенденты в президенты будут собирать подписи во время пандемии

Падзяліцца

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025