Горад

Самы шакаладны гарачы шакалад у Гродне можна паспрабаваць у бары «Камунаркі»

Цукеркі ручной работы і гарачы шакалад ад знакамітай кандытарскай фабрыкі з 13 лютага можна пакаштаваць у шакаладным бары ў цэнтры Гродна. Апроч шакаладу наведвальнікам прапануюць каву, гарбату, марозіва і выпечку.

Што па чым

Каб набыць выбраныя смакоткі, трэба заняць чаргу да прылаўка. Нельга сказаць, што чэргі доўгія, але пастаяць давядзецца каля 5−7 хвілін. Цукеркі ручной работы прадаюцца на вагу, а наведвальнікі звычайна хочуць пакаштаваць некалькі гатункаў.

Таму прадавачкам прыходзіцца ўзважваць практычна кожную цукерку. Да таго ж, гродзенцы пакуль не ведаюць, чаго чакаць ад кожнага віда цукерак, і распытваюць пра іх смакі. Персанал ставіцца з разуменнем, прадавачкі ахвотна распавядаюць пра ўласцівасці цукерак. Кошт адной складае прыкладна 0,5−1 рубель.

На падарункі ахвотна набываюць шакаладныя фігуркі - вожык ці мышка вагой каля 100 грам абыходзіцца прыкладна ў 2 рублі.

Сярэдні чэк на аднаго наведвальніка складае 5−7 рублёў. Калі бяруць нешта з сабой, то плацяць 12−15 .

Гарачы шакалад гэта не напой, а ежа

Практычна кожны з наведвальнікаў бара замаўляе гарачы шакалад. З прапанаваных малочнага і горкага перавагу часцей аддаюць другому. Кошт кубка шакаладу незалежна ад гатунка — 2,2 рублі.

Шакалад вельмі смачны і настолькі густы, што пастаўленая вертыкальна лыжка пару секунд застаецца стаяць. Справіцца з 70 грамовай порцыяй з непрывычкі не так проста. Мая выпадковая суседка па століку мусіла, з’еўшы палову порцыі, замовіць шклянку вады, каб справіцца з другой паловай.

Напоі

Напояў шмат — пакетаваныя сокі, каля дзясятка відаў гарбаты, увесь стандартны набор кавы, што гатуецца ў кава-машыне. Ёсць у меню і кактэйль — такі, як мне асабіста помніцца з даўніх часоў. У шклянку сока для яго прыгатавання дадаюць шарык марозіва.

Кошты напояў у шакаладным бары прыкладна такія ж, як у іншых месцах горада. Філіжанка кавы абыдзецца ў сярэднім каля 2 рублёў, на гарбату ці кактэйль хопіць 1,5.

Выпечка і марозіва

Неабходныя ў любой кавярні выпечка і марозіва ёсць і тут. Праўда, гэта ўжо вырабы не «Камунаркі», а мясцовых вытворцаў. Марозіва пастаўляе «Молочный мир», пірожныя — «Гроднахлебпрам», а торты прывозяць з Парэчча.

Атмасфера

У бары няма самаабслугоўвання. Калі наведвальнікаў шмат, прыдзецца пачакаць, пакуль скарыстаны посуд прыбяруць са століка. Ці - смакаваць слодычы побач з чужымі пустымі кубкамі. Засяродзіцца на сваіх думках і правесці нейкі час у цішыні таксама можа не атрымацца. Праз памяшканне бара ўвесь час праходзяць наведвальнікі крамы, што знаходзіцца ў суседнім памяшканні.

[irp posts="11 738″ name="У цэнтры Гродна адкрылася фірмовая крама і шакаладны бар Камунарка""]

Да часовых недапрацовак можна аднесці адсутнасць фірмовай упакоўкі для пакупак на вынас. Гэта адчувалася 14 лютага, калі многія набывалі цукеркі ручной работы ў якасці «валянцінак» для сваіх блізкіх. Пазней, абяцалі супрацоўнікі бара, скрыначкі рознай формы і памераў абавязкова з’явяцца.

Падзяліцца

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025