Горад

Абновяць камеры і добраўпарадкуюць двор. У Гродне капітальна адрамантуюць ізалятар на 320 000 рублёў

Пасля рамонту столі камер у ізалятары часовага ўтрымання Гродна стануць вышэйшымі, а добраўпарадкаваны двор будзе з новым пакрыццём. У сакавіку 2021 года ў Гродне выберуць падрадную арганізацыю для рамонту, пасля чаго тры месяцы будуць рамантаваць ІЧУ. Працы павінны скончыцца да чэрвеня. Адбываючыя арышт на гэта час адселяць.

Падрадчыкаў па замове УУС Гродзенскага аблвыканкама шукае праектна-будаўнічае ўнітарнае прадпрыемства «Вілейта».

Прадпрыемства «Вілейта» выконвае функцыі заказчыка, забудоўшчыка, аказвае інжынерныя паслугі па комплексным кіраванні будаўнічай дзейнасцю, ажыццяўляе тэхнічны нагляд у будаўніцтве. Сярод работ прадпрыемства — «Прачечная № 1» у Каробчыцах, гандлёвы цэнтр у Альшанцы, касцёл у Субачах Ваўкавыскага раёна.

«Прачечная № 1» у Гродне. Фота: grodnonews.by

Сярод работ, указаных у дакументацыі на сайце дзяржзакупак icetrade.by, лічацца будаўнічыя, спецыяльныя, мантажныя і пусканаладачныя. У рамках рамонту добраўпарадкуюць унутраны двор. Пляцоўка там будзе з новым пакрыццём — пліткавым або бетонным. Адрамантуюць дах і пажарную сігналізацыю. Камеры, у якіх знаходзяцца затрыманыя, таксама адрамантуюць. У іх разбяруць памост, што дапаможа павялічыць вышыню камеры, распавёў Hrodna.life кіраўнік прадпрыемства «Вілейта» Аляксандр Вілейта. Больш інфармацыі аб дэталях вавыканання капітальнага рамонту ў прадпрыемства будзе пазней — пакуль ідзе прыём прапаноў ад падрадчыкаў.

На што скардзіліся людзі, якія адбывалі арышт у ізалятары

Адзін затрыманы ў ІЧУ ананімна распавёў Hrodna.life аб зламаных туалетах і працякаючых кранах, з-за якіх камеры маглі быць затопленыя. Да таго ж, гук капае вады выклікаў раздражненне ў затрыманых. Іншы былы затрыманы ў размове з Hrodna.life паскардзіўся на кароткія нары для зняволеных, з-за якіх людзям з ростам вышэй 180 см можа быць нязручна на іх спаць. У цэлым ён ацаніў умовы як «нармальныя».

На час рамонту адбываючых арышт адселяць

На час рамонту, які павінен заняць тры месяцы, затрыманых адтуль адселяць, распавялі Hrodna.life ў «Вілейце».

Даведацца, куды адселяць адбываючых арышт і як будуць працаваць супрацоўнікі ІЧУ, у Hrodna.life не атрымалася. Начальнік ІЧУ Ігар Лаўрушка папрасіў прыехаць асабіста і паказаць рэгістрацыю СМІ. Hrodna.life афіцыйна пакуль не зарэгістраваны як СМІ - гэта частая нагода адмаўляць у каментарах для чыноўнікаў розных узроўняў.

Адкуль грошы на рамонт?

Прыём прапаноў скончыцца 25 лютага. 2 сакавіка пройдуць падрадныя Таргі. «Вілейта» абярэ ўдзельніка, зыходзячы з цаны прапановы і тэрміну выканання работ. Кошт заказу — 320 050 рублёў. Фінансуецца рамонт з рэспубліканскага бюджэту.

«Добавили грамм лаврового листа — получили штраф в $ 400». Кто поставляет в изолятор Гродно обеды с «совдеповскими» котлетами

Падзяліцца

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025