Горад

«І хруст французскай булкі». У першай у Гродне булачнай можна пакаштаваць традыцыйную выпечку розных краін

Каб пакаштаваць італьянскія грысіні, французскія багеты, рускія пірагі ці кітайскія «дынныя» булачкі мелон пан зараз не абавязкова выбірацца далёка ад дому. Пазнаёміць гродзенцаў са смакамі традыцыйнай выпечкі народаў свету абяцае першая ў горадзе булачная. Яна пачне працаваць з 9 студзеня пры чайным доме «Чайкоффский».

У першы працоўны дзень першыя 20 наведвальнікаў атрымаюць падарункі-кампліменты. У астатнія дні за некалькі гадзін да закрыцця выпечка будзе прадавацца са зніжкамі.

Салодкія кампліменты — мерэнгі на палачках — чакаюць першых 20 наведвальнікаў булачнай

Сваё і натуральнае

Дырэктарка Святланы Гайдук лічыць, што булачная будзе адпавядаць запытам людзей розных узростаў і дастатку: «Дэсерты і торты трохі даражэйшыя, хлебабулачныя вырабы — значна больш танныя. Хочацца, каб да нас усе прыходзілі». У асартыменце булачнай абяцаюць штодзенна каля 20 відаў выпечкі.

Тарт з яблыкамі
Разам са звыклымі хлебам і батонам тут будуць прадаваць таксама смажанкі, сасіскі ў цесце, піражкі, торты і печыва.

«Будзем карыстацца толькі натуральнымі і ў асноўным мясцовымі прадуктамі. Мука ў нас лідская, яйкі і малако гродзенскія. Ніякіх разрыхляльнікаў-паляпшальнікаў у рэцэптах не прадугледжана», — расказвае загадчыца вытворчасці Святлана Бакшанская.

Навінкі з «разынкамі» і знаёмыя смакі

Адметнасцю булачнай стала ідэя кулінарнага падарожжа. Бо выбірацца ў сапраўднае падарожжа кожны дзень немагчыма. Затое можна падарожнічаць па смаках. Тыя, каго вабіць Італія, знойдуць тут ромавую бабу ці хлебныя палачкі грысіні.

Прыхільнікі Францыі змогуць пахрусцець багетамі ці паспрабаваць кіш — адкрыты пірог з крэветкамі. «У нас будуць тры віды багетаў - з укропам, з пятрушкай і з вэнджаным салам».

Дзяцей Святлана спадзяецца парадаваць кітайскімі «дыннымі» булачкамі, каторыя «ўсе дзеці бачылі ў мульціках».

Побач з навінкамі меню застануцца і тыя дэсерты, што гатавалі тут раней. Сярод іх — птушынае малако, эстэрхазі, ню-ёркскі чызкейк ды іншыя. Таксама ў булачнай прапануюць набыць печыва ці пірожныя на развес.

Чай пад WiFi і кава ў дарогу

Чай ці каву можна узяць з сабой ці пасядзець за столікамі і пачаставацца свежай выпечкай на месцы. WiFi і фонавая музыка дапамогуць пабавіць час.

Працаваць булачная будзе ад 8.00 да 23.00. У апошнія некалькі гадзін працы набыць выпечку можна будзе са зніжкай 15−20%.

Падзяліцца

Апошнія запісы

«Каб цябе пярун забіў!» Як неверагодны пярун 90 гадоў таму трымаў у страху Гродзеншчыну

“Каб цябе пярун забіў!” - адзін з найбольш вядомых беларускіх праклёнаў. У 1934 і 1935…

22 красавіка 2025

Гродзенцы адкрылі грыбны сезон. Дзе ў вобласці шукаць смаржкі і іншыя грыбы?

З надыходам цяпла ў заходніх рэгіёнах Беларусі - Гродзенскай і Брэсцкай абласцях - сталі з'яўляцца…

22 красавіка 2025

Аліўкавыя, залатыя і мармуровыя яйкі. Трэнды Tik Tok на Вялікдзень 2025

Змяшаць два знаёмыя спосабы афарбоўкі яек і атрымаць аліўкавы колер, знайсці спосаб з дапамогай хімічнай…

17 красавіка 2025

«Усё жыццё мару, што нехта са сваякоў знойдзецца». Гродзенка расказала, як пасля вайны не змагла з’ехаць у Польшчу і трапіла ў Казахстан

Яніна Міхайлаўна Земба нарадзілася ў Гродне ў 1934 годзе. Падчас нямецкай акупацыі яе маму вывезлі…

10 красавіка 2025

Мільярды еўра — Варшаве, мільёны — Мінску. Параўналі, як Польшча і Беларусь выкарыстоўвалі еўрапейскія гранты

«Еўрасаюз нам не патрэбен!» Гэты наратыў папулярны не толькі ў беларускай прапаганды, але і ў…

9 красавіка 2025

Як з беларускіх зямель даплывалі да Амерыкі 100 год таму: расказвае падкаст «Зямля свабоды»

У пошуках лепшага жыцця тысячы людзей выязджалі з беларускіх зямель больш за сто год таму.…

9 красавіка 2025