Брыгады па адлову безнаглядных жывёл ствараюцца ў Беларусі пры арганізацыях, якія мясцовыя ўлады вызначылі адказнымі згодна з правіламі і палажэннямі*. У Гродне гэтыя функцыі выконвае Спецаўтагаспадарка.
У абавязкі работнікаў спецыяльных брыгад уваходзіць, разам з іншым, адлоў безнаглядных сабак, котак пры дапамозе сетак, падхватнікаў а таксама іншых сродкаў і прыстасаванняў, якія не наносяць шкоды здароўю жывёл і фізічных траўмаў.
*”Правілы ўтрымання хатніх сабак, котак”, “Палажэнне аб парадку дзейнасці арганізацый па адлову, адстрэлу, утрыманню і эўтаназіі безнаглядных жывёлаў”
Адлоўленыя жывёлы утрымліваюцца у пункце часовага ўтрымання САГ не больш за 5 дзён. Калі іх не забралі гаспадары, жывёлы падлягаюць эўтаназіі. Больш інфармацыі пра сітуацыю з адлоўленымі жывёламі можна знайсці ў суполцы валанцёраў САГ.
