Віленскі “Лофтас” (Loftas) – гэта прыклад, як з закінутай фабрыкі стварыць культурны цэнтр, вядомы ва ўсім рэгіёне. Галоўная штогадовая падзея там – восеньскі фестываль музыкі і мастацтва “Лофтас Фэст” (Loftas Fest). Hrodna.life разабраўся, што гэта за падзея і чаму беларусам варта правесці другі ўікэнд верасня ў літоўскай сталіцы.
“Лофтас Фэст” (Loftas Fest) пройдзе 8-9 верасня ў арт-цэнтры Loftas, вул. Švitrigailos 29.
Фестываль бясплатны акрамя галоўнай сцэны – білет на яе каштуе 15 еўра.
Не клуб, а арт-фабрыка
Loftas – не проста начны клуб або канцэртная зала. Гэта месца, дзе жывуць крэатыўныя індустрыі, месца, быццам перанесенае сюды з урбаністычнага Берліна. Нездарма яго называюць «фабрыкай мастацтваў» – тут праходзяць і адукацыйныя мерапрыемствы, і барахолкі, і канцэрты з вечарынамі. Месца для гэтага падыходзіць ідэальна: цэнтр горада, вялікі ўнутраны дворык і шэраг невялікіх лофтаў побач.
А “Лофтас Фэст” гэта сканцэнтраванае ў двух днях усё клубнае жыццё.
Дарэчы, назву «фабрыка» тут можна выкарыстоўваць у даслоўным значэнні, бо клуб знаходзіцца ў будынках былога электратэхнічнага завода «Эльфа». Ад яго атрымала назву яшчэ адно дзецішча ўладальнікаў клуба – гастра-бар ELFA. Так што тут можна не толькі далучыцца да мастацтва, але і добра паесці.
Не проста музычны фестываль, а фестываль гарадскіх культур
“Лофтас Фэст” – адзіны ў краінах Балтыі фестываль гарадскіх культур, дзе музыка гэта важны, але не адзіны складнік. У гэтым годзе наведвальнікаў чакаюць 2 насычаныя падзеямі дні, 5 музычных сцэн, арт-перформансы і тэатральны пастаноўкі, выставы сучаснага мастацтва, кінатэатр і нават начны фэшн-кірмаш.
https://www.facebook.com/loftasfest/videos/1502636839793833/
Дарэчы, чатыры з пяці сцэн – бясплатныя. І наогул, уваход вольны на ўсе мерапрыемствы фестывалю, акрамя галоўнай сцэны з самымі вядомымі артыстамі.
На ёй выступяць нарвежац Lindstrøm і Mykki Blanco з ЗША.
https://www.youtube.com/watch?v=skNCgwwdOFU
https://www.youtube.com/watch?v=IbPWe24jQ9A
А калісьці ж гэты раён Вільні – Наўямесціс – славіўся не культурай, а мноствам буйных заводаў, дзе рабілі радыёпрыёмнікі, кардонныя ўпакоўкі, станкі, свёрлы і нават цыгарэты. «Эльфа», у будынку якой працуе Loftas, зачынілася ў 1993 годзе.
Loftas – месца даўно і добра вядомае беларускім музыкам
Менавіта ў Loftas выступала ў 2012 годзе забароненая тады ў Беларусі “Крамбабуля”, і ў гэтым жа месцы два гады пазней даваў, перш за ўсё для беларусаў, развітальны канцэрт «Ляпіс Трубяцкой». Ну а больш нішавыя музыканты з Беларусі там наогул частыя госці: Yegor Zabelov Trio, Super Besse, (((O))), Alexei de Bronhe, Teleport і многіх можна нярэдка сустрэць у сценах клуба.
Найбуйнейшы шоўкейс-фестываль Літвы
На адной са сцэн “Лофтас Фэст” выступяць удзельнікі міжнароднага шоўкейс-фестывалю “Што далей у музыцы?” («What’s Next In Music?»). Што такое шоўкейс? Гэта фестываль, на які прыязджаюць маладыя, яшчэ мала вядомыя каманды, каб паказацца спрактыкаваным слухачам, журналістам і музычнаму бізнесу.
Беларусь на «Што далей у музыцы?» Будуць прадстаўляць бітмэйкер Awlnight і электроншчык Senary – яны здаліся арганізатарам найбольш свежымі і актуальнымі.
https://youtu.be/dd2f93N73nA
https://youtu.be/CiJ7softiMs
Актуальнасць – наогул галоўны крытэр выбару для арганізатараў.
Самае галоўнае – неверагодная атмасфера
Проста паглядзіце фота з гэтай галерэі і адчуйце непаўторную атмасферу “Лофтас Фэст”. Гэтыя здымкі пераканаюць кожнага – заехаць у Вільню на фестываль можна нават калі вы абыякавыя да элетронной музыкі. Там і акрамя пяці сцэн будзе чым заняцца.
ТАА Ірвінга Група
УНП 191751509
