Чыноўнікі абяцалі пенсіянеру новы мост да дому. А потым перадумалі

Гарадскія ўлады не маюць намеру аднаўляць мост праз Гараднічанку, які быў разбураны ў жніўні на вуліцы Працоўнай. Такі адказ атрымаў 79-гадовы гродзенец Тадэвуш Станеўскі, хоць раней падчас сустрэчы з кіраўніцтвам горада і вобласці пенсіянера запэўнілі, што ў бліжэйшы час адновяць праход праз раку.

Паабяцалі зрабіць новы мост

Самаробны мост з бетонных пліт знаходзіўся каля дома № 17, дзе жыве Тадэвуш Станеўскі. Яго ён пабудаваў сам 20 гадоў таму, каб можна было хутчэй патрапіць дадому. 21 жніўня з-за моцных дажджоў мост на вуліцы Рабочай быў разбураны. Пасля публікацый у інтэрнэце гарадскія ўлады адрэагавалі на праблему і абяцалі пенсіянеру дапамагчы з уладкаваннем новага моста.

«Усяго праз некалькі дзён пасля разбурэння моста да мяне прыехалі Гой і Краўцоў. Павіталіся і асабіста хацелі паглядзець на маю праблему. Сур’ёзныя людзі выклікалі давер і я падумаў: вось якія малайцы, спачуваюць пенсіянеру. Праз некаторы час прыехалі супрацоўнікі Рэмбудаўтадора і прыбралі пліты. Рабочыя сказалі, што неўзабаве зробяць мне новы мост. Вядома, я ўзрадаваўся», — кажа Тадэвуш Станеўскі.

Мост праз Гараднічанку пасля абвалу выглядаў так:

«Словы ў чыноўнікаў аднолькавыя»

Два месяцы ніякіх работ каля дома пенсіянера не было. Тады ён вырашыў напісаць у гарвыканкам. Тадешу адказалі, што мост будаваць цяпер немэтазгодна, бо ў 2020 годзе пачнецца добраўпарадкаванне тэрыторыі ўздоўж рэчышча Гараднічанкі.

«Абяцалі адно, а запланавалі іншае. Я думаю, усё гэта балбатня, нічога яны рабіць не будуць. Я тут 47 гадоў жыву. Калі засяляўся, мне таксама казалі, што дарма я сюды прыйшоў, маўляў праз некалькі гадоў знясуць усе дамы. Прайшло столькі гадоў, памянялася дзесьці 15 гэтых начальнікаў, а словы ў іх аднолькавыя. Нічога не адбываецца. Усе абяцалі парадак, але ў выніку ўсё рабілі сваімі сіламі.
Як хадзіць цяпер мне і іншым? У нас інваліды і пенсіянеры жывуць. Медыкам складана цяпер трапіць да людзей. Раней я машыну мог ставіць каля дома, а цяпер хоць бы самому трапіць у дом».

Месца, дзе быў мост

Патрэбна 9-метровая панэль і некалькі блокаў

Каб збудаваць мост праз Гараднічанку Тадэвуш Станеўскі за свае сродкі купляў пліты і металічныя швелеры. Ён кажа, калі б здароўе дазваляла, то сам збудаваў бы сабе новы мост. Але зрабіць гэта ён ужо не ў сілах.

«Некаторыя пліты былі яшчэ добрыя, але і іх забралі. Хацелі яшчэ рэйкі жалезныя забраць, казалі, якраз ім такія патрэбныя,
але я не аддаў. У выніку я застаўся без моста і пліт. Нейкі матэрыял можна было ўжыць другасна. Зараз, каб зрабіць новы мост да майго дома, усяго толькі патрэбна 9-метровая панэль і некалькі блокаў».

Каб вярнуцца дамоў Тадэвушу Станеўскаму даводзіцца ісці праз суседні ўчастак. Машыну пенсіянер ставіць каля дарогі.

Што кажуць у гарвыканкаме?

У лісце Тадэвушу Станеўскаму, які падпісаў намеснік старшыні гарвыканкама Андрэй Болтрык, гаворыцца, што на 2020 год запланаваны праект па добраўпарадкаванні тэрыторыі ўздоўж рэчышча ракі Гараднічанкі ад вуліцы Віленскай да ўпадзення ў Нёман.
Таму будаўніцтва моста да дома № 17 па вуліцы Рабочай у цяперашні час улады лічаць немэтазгодным.

Падзяліцца

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025