Тэхніка для кухні, новыя тэлефоны, гульні, гадзіннікі, трэнажоры — пасля зімовых святаў «Куфар» напоўніўся аб’явай аб продажы не зусім удалых падарункаў. У Гродне і вобласці часцей прадаюць тое, што не спадабалася ці не падышло тым, каму падарылі. Але мы знайшлі і такія падарункі, якія прадаюць тыя, хто хацеў іх падараваць, але па нейкай прычыне не зрабіў гэтага.
Усе аб’явы былі знойдзены па ключавым слове «падарунак» (рус. — «подарок»). Апісанні прыводзім без змен — менавіта ў такім выглядзе, у якім іх апублікавалі прадаўцы.
Тэхніка — ад плойкі да апошняга iPhone
Перад тым, як дарыць тэхніку, лепш спытаць у чалавека, якому прызначаны падарунак, ці трэба яму гэта насамрэч. Такая выснова напрошваецца, зыходзячы з колькасці аб’яў у гэтай катэгорыі. Прадаюць кухонныя камбайны, навушнікі, тэлефоны, плойкі для валасоў, смарт-гадзіннікі і нават машынкі для тату! Усё распакаванае, але не скарыстанае.
Аэрагрыль
«Абсолютно новый аэрогриль, получили в подарок, но пользоваться не будем. Возможен небольшой торг», — пішуць прадаўцы.
Цана: 140 руб.
Фота да аб’явы ўзяты з магазіна 21vek.by, дзе такі ж аэрагрыль можна купіць за 150 рублёў.
Ірыгатар Oral B Oxyjet
«Новый, упакован. Подарок, не пригодился», — піша прадавец. Праўда, каробка выглядае злёгку патрапанай.
Цана: 200 руб.
Такі ж у розных інтэрнэт-крамах можна знайсці за 290−380 рублёў.
Плойка Rowenta Karl Lagerfeld
«Плойка в отличном состоянии. Шла в подарок. Не пользовались», — чытаем у аб’яве. Прадавец прыклаў да аб’явы гарантыйны талон і чэк — відаць, што плойку купілі ў кастрычніку 2023 года ў «Электрасіле» за 115 рублёў.
Цана: 95 руб.
iPhone 15 Pro 128
«Новый айфон, привезён из Германии в подарок. С адаптером в комплекте», — піша прадавец з Ліды. Яна прадае таксама і іншыя імпартныя тавары: бытавую хімію, духі, каву. Магчыма, іх таксама прывозілі ў падарунак?
Цана: 3900 руб.
У салонах А1 і МТС такі iPhone будзе каштаваць каля 4400−4800 рублёў, у каталогу Onliner цана — 4140−4200 рублёў.
Машынка для галення
«С дополнительной гарантией бреет хорошо покупалась в декабре на подарок не понравилось срочно продам», — так апісаў свой тавар прадавец.
Цана: дагаворная
У «Пятым элеменце» такая каштуе 129 рублёў. У інтэрнэт-крамах цана стартуе ад 96 рублёў.
Электрабрытва Galaxy GL 4210
«Был как подарок на новый год. Не подошёл Покупали на 21веке за 82р», — піша прадавец.
Цана: 55 руб.
Цяпер, дарэчы, такая ж на 21vek.by каштуе ўжо 84 рублі. Так што аб’ява цалкам дазволіць зэканоміць.
Трымер для барады і вусоў Polaris PHC 3015RC
Трымер 5 у 1: барада, вусы, міні-брытва, стрыжка валасоў, выдаленне валасоў у носе і вушах. У камплекце асадкі 0,5, 3, 6, 9, 12 мм, станцыя для зарадкі.
«Новый. Был куплен в подарок в 5 элементе 25 декабря, чек, гарантия 1 год. Причина продажи: не подошёл по минимальной длине стрижки бороды, нужна была ровно на 1мм», — вельмі падрабязна апісвае сам тавар і прычыну продажу аўтар аб’явы.
Цана: 85 руб.
У каталогу Onliner такі трымер можна знайсці па цане ад 112 да 206 рублёў.
Гадзіннік Xiaomi Watch S1
«Новые, достались в подарок», — коратка апісаў тавар прадавец.
Цана: 500 руб.
У XiStore такі смарт-гадзіннік па акцыі можна купіць за 599 рублёў.
Мужчынскі гадзіннік
Просты і даволі сімпатычны кітайскі кварцавы гадзіннік.
«Абсолютно новые, покупались в подарок», — лаканічна паведамляе прадавец.
Цана: 50 руб.
Чытайце таксама: Чырвона-зялёна-чырвоны сцяг і «LookАШЕНКОrules»: на AliExpress прадаюць недарэчную «Беларусь»
Гадзіннік Samsung Galaxy Watch
«Часы почти ноаые без дефектов продаю так как не умею ими пользоввться (подарок). Торг уместен. Фолюш», — можна прачытаць у аб’яве. Смарт-гадзіннік прывезлі з Польшчы.
Цана: 250 руб.
Канкрэтна такую мадэль мы не змаглі знайсці ў продажы ні ў Беларусі, ні ў Польшчы — відаць, яна ўжо крыху састарэла. Але цана ў аб’яве вельмі прыемная, бо кошты на актуальныя «Самсунгі» моцна кусаюцца.
Масажор для ног Comtek
«Продам новый массажер для ног Comtek 6009G. Покупался в подарок. Не использовался», — піша прадавец.
Цана: 400 руб.
У беларускіх крамах такі масажор зараз прадаецца ад 367 да 452 рублёў.
Тату-машынка
«Полный набор для тату, новый, сделали подарок, а такое не нужно просто мне», — паведамляе жыхар Смаргоні.
Цана: 80 руб.
Дзіцячыя навушнікі з вушкамі
Сімпатычныя ружовыя навушнікі. «Покупались в подарок, новые, все идеально работает», — піша пра іх прадавец.
Цана: 20 руб.
Мяркуючы па ўсім, куплялі іх у «Амі», дзе яны зараз каштуюць 29 рублёў.
Навушнікі Jabra 85t
«Подарили в подарок, Лежат без дела не нужные. Звук отличный. Состояние отличное. Никаких проблем», — піша прадавец з Ліды.
Цана: 450 руб.
Здаецца, гэта нядрэнная прапанова, бо ў розных інтэрнэт-крамах мы знайшлі гэтыя навушнікі за 666−860 рублёў.
Адпарвальнік
«Отпариватель. Состояние нового. Получила в подарок, но мне он не нужен.Больше фото и описание могу сбросить. С почтой дружу», — апісвае тавар прадавец з Карэлічаў.
Цана: 40 руб.
Такі ж на viptorg.by каштуе 41 рубель.
Сцілус Apple Pencil
«Продается новый Apple Pencil (2nd generation), только распакован, не использовался. Причина продажи: подарок оказался несовместим с версией iPad. Покупался в Европе», — піша аўтар аб’явы, які можа прадаць вам тавар у Гродне ці Мінску.
Цана: 370 руб.
Новы сцілус у каталогу Onliner каштуе ад 439 да 565 рублёў.
Сокавыціскалка
«Стоит без дела. Подарок. Не пригодился. Не был в использовании», — чытаем у аб’яве. Праўда, скрынка прыкметна патрапаная.
Цана: 60 руб.
Такой жа мадэлі ў продажы ў Беларусі мы не знайшлі. Відаць, падарунак даволі стары.
Міні праектар Salange YG-300
«Включался 1 раз, был куплен в подарок, в дальнейшем не использовали», — піша прадавец.
Цана: 100 руб.
У беларускіх інтэрнэт-крамах зараз можна знайсці такі праектар ад 119 да 179 рублёў, а калі пашукаць на OZON — то кошты пачынаюцца ад 97−103 рублёў.
«Дзед Мароз прывёз з РП, а пакуль вёз — дачка перапісала ліст з жаданнем»
Асобная катэгорыя — гэта гульні і цацкі, якія не падышлі на падарунак дзецям. А камусьці - проста не спадабаліся.
Настольная гульня «Скажи, если сможешь»
«На днях подарили на рождественские праздники. Абсолютно новая, даже не вскрывали. В такие игры не играем, поэтому ищем тех, кому будет интересно;) Будет хорошим подарком на любой праздник и категорию лиц. Без торга, в магазине дороже», — піша прадавец.
Цана: 30 руб.
Сапраўды — у краме даражэй. На 21vek.by мы знайшлі такую гульню за 57 рублёў.
Настольная гульня «Имаджинариум»
«Заказывал данный подарок своему младшему брату на новый год. Ему не понравился внешний вид. Коробка не открывалась так и стоит целая», — піша пакупнік, якому не пашанцавала.
Цана: 60 руб.
На OZON гэту гульню можна знайсці за 54−67 рублёў.
Забаўка «Лыжны домік Enchantimals — шале ў гарах»
«Продам новый, в коробке. Бомбический для фанаток Энчантималс! Он огромный и динамичный! Идеальный подарок для маленьких фантазерок. Будут пищать от восторга! Дед Мороз привез из РП, а пока вез дочка переписала письмо с желанием))) В наличии в РБ их нет, а если и есть то в районе 200 руб + доставка. Возможна пересылка, упакую качественно,)», — напісала гродзенка з Дзевятоўкі.
Цана: 170 руб.
Сапраўды, дзе б мы не шукалі - усюды ў беларускіх крамах у цацкі статус «недаступны».
Аксэсуары і трэнажор для сцёгнаў
У гэтай катэгорыі аказалася ўсё, што не ўпісалася ні ў адну з папярэдніх — упрыгожанне для валасоў, скарбонка для вінных коркаў, насадка на брытву і трэнажор для сцёгнаў.
Упрыгожанне для валасоў
«Украшение для волос досталось в подарок», — такое лаканічнае апісанне далі гэтаму тавару.
Цана: 4 руб.
На пакаванне налеплены стыкер, які дазваляе меркаваць, што пачатковы кошт упрыгожання — 25 рублёў.
Скарбонка для вінных коркаў
Апісанне: «Новая копилка для винных пробок, покупалась на подарок. Материал дерево, пластик».
Цана: 40 руб.
Насадка на электрабрытву Braun
«Продам новый сменный блок (сетка и режущий блок), купили на подарок, но не подошёл», — піша прадавец.
Цана: 70 руб.
Да тавару прымацаваны чэк — і можна пераканацца, што ў магазіне насадка каштавала 99 рублёў.
Трэнажор для сцёгнаў
«Тренажёр для бёдер, подарили дочке, лежит без дела новый. Почтой и европочтой отправляю за ваш счёт. Район площади Декабристов», — напісана ў аб’яве.
Цана: 25 руб.
Глядзіце таксама: Для массажа, из натуральных масел или в форме драконов: какое handmade-мыло продают гродненки в Instagram
