Людзі і справы

«Карэя гэта не толькі Gangnam style». У Гродне сустрэліся аматары таямнічай азіяцкай краіны

Папулярнасць карэйскай культуры ў Гродне расце. У чарговы раз мясцовыя аматары Азіі арганізавалі Korean workshop. Месцам незвычайнага мерапрыемства стала адна са школ горада.

Даведацца больш пра карэйскую культуру, паслухаць музыку, пакаштаваць стравы нацыянальнай кухні і прыняць удзел у розных забаўляльных мерапрыемствах, прыйшло каля 40 чалавек. Сярод іх былі як падлеткі, так і дарослыя прадстаўнікі карэйскага баявога мастацтва — тансудо.

«Korean workshop ў школе мы праводзім не першы раз — актавая зала вельмі зручная. Дырэктарка з задавальненнем прадастаўляе нам памяшканне — школа адкрыта для навін і супрацоўніцтва з рознымі арганізацыямі. На мерапрыемстве мы пастараліся пашырыць погляды на карэйскую культуру, крыху далей, чым «Psy — Oppa Gangnam style», — расказала прадстаўніца клуба аматараў Карэі Наталля.

Пад куратарствам валанцёра з Францыі Эмрыка, у гульнявой форме ўдзельнікі паказалі адну са старых карэйскіх легенд.

Таксама на працягу гадзіны адна з арганізатараў мерапрыемства, Вольга, распавядала пра сваё падарожжа ў Карэю. Дзяўчыне пашчасціла на працягу месяца гутарыць з носьбітамі мовы і пажыць тым жыццём, пра якое заўсёды марыла.

«Візу было адкрыць не складана, у гэтай справе галоўнае жаданне. Таксама і з пералётам — галоўнае браць квіткі загадзя, тады можна добра зэканоміць. Што тычыцца жылля, то з ім у Карэі цяжка, трэба абавязкова шукаць да прыезду. Мне пашанцавала і я жыла ў сябра, які мне паказаў вельмі прыгожыя месцы і пазнаёміў з многімі карэйцамі. Жыхары гэтай краіны вельмі цікавыя і вясёлыя, але калі пачынаеш з імі мець зносіны, становяцца трохі сарамлівымі. Але пры гэтым яны любяць еўрапейцаў», — расказала Вольга.

Кульмінацыяй вечара стала дэгустацыя карэйскай ежы. Усе ўдзельнікі маглі паспрабаваць такія стравы як кiмчы - марынаваная вострая пекінская капуста, такпаль - курыныя лапкі ў вострым соусе, пандэгі - лічынкі шаўкапрада і карэйская карры, а таксама чапчхе і рамён.

Такпаль - курыныя лапкі ў вострым соусе
Пандэгi - лічынкі шаўкапрада
Чапче - локшына з сушоным багавіннем

У канцы традыцыйна арганізатары правялі віктарыну якая закранае розныя аспекты карэйскага жыцця. Прызёры атрымалі кнігі пра Карэю, якія былі прадстаўлены Карэйскай амбасадай у Беларусі.


Падзяліцца

Апошнія запісы

З адной бярозы — да 200 літраў. Як беларусам здабыць бярозавы сок на радзіме і ў эміграцыі

Здабываць бярозавы сок вясной — беларуская традыцыя, у кожным лясніцтве яго можна купіць за капейкі.…

3 красавіка 2025

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025