Некаторыя дзеці так любяць вучыцца, што не жадаюць сыходзіць на вакацыі. Не верыце? А ў гродзенскай ITeen Academy для іх ужо распісаны летнія інтэнсівы на 6 зменаў. Дзяцей і падлеткаў ад 7 да 17 гадоў чакаюць робататэхніка, праграмаванне гульняў, моўшн-дызайн, анімацыя, 3D-мадэляванне і многае іншае. Чаму летам лепш стаць «акадэмікам», чым сядзець дома, Hrodna.life распавялі выкладчыкі і вучні Адукацыйнага цэнтра ПВТ у Гродне.
Яны ствараюць свой свет
ITeen Academy — гэта курсы IT-адукацыі для дзяцей і падлеткаў. У Гродне акадэмія працуе на базе Парку высокіх тэхналогій на Горкага, 1. Спачатку тут былі курсы толькі для дарослых, якія хочуць памяняць прафесію і сысці ў IT. Потым убачылі, што дзеці цікавяцца камп’ютарнымі тэхналогіямі не менш за дарослых.
«Дзяцей нават не трэба зацікаўліваць, — распавядае выкладчык акадэміі Алена Лапыш. — Яны ўжо жывуць у свеце тэхналогій, жывуць у гаджэтах пастаянна. Тут хутчэй трэба, каб бацькі зразумелі - дзеці могуць не толькі гуляць, але і вучыцца дзякуючы сваім гаджэтам. Гэта свет, які дазваляе непасрэдна чэрпаць інфармацыю. Трэба проста гэтаму навучыць».
На занятках 10−12-гадовых па курсе Minecraft заўсёды творчая атмасфера — яны ствараюць гульню. Калі толькі ўваходзіш у клас, здаецца, гэта проста ўрок ля камп’ютараў. Але праз пару хвілін чуеш: «А чый гэта такі раскошны прыгожы дом?» альбо: «Глядзі, што цяпер будзе!». Адразу зразумела, што для рабят за маніторамі гэта сапраўдная прыгода, дзе яны ствараюць свой свет, кожны сам і ўсе разам.
Вучацца матэматыцы і пускаюць лаву
Падыход да адукацыі ў ITeen Academy адрозніваецца ад звыклага школьнага. Занятак па Minecraft, на якім дзеці ствараюць свой сусвет, выглядае як гульня. А насамрэч гэта матэматыка і праграмаванне. Такія заняткі развіваюць лагічнае і крэатыўнае мысленне, у дзяцей з’яўляецца іншы погляд на лічбавыя тэхналогіі, павышаецца ўсвядомленасць у выкарыстанні камп’ютара.
Іллі адзінаццаць, камп’ютарны курс ён знайшоў і абраў сам: «Вучуся праграмаваць, навучыўся карыстацца рознымі прыкладаннямі, на англійскай нават. Заняткі цікавей, чым у школе, больш падабаецца. У групе маем зносіны, сябруем. Не стамляюся тут».
Яшчэ адзін навык, які атрымліваюць вучні акадэміі - праца ў камандзе. Дзеці дапамагаюць адзін аднаму, падказваюць, калі ў кагосьці не атрымліваецца. «Яны часам могуць і нешта цікавае прыдумаць: то лаву хтосьці пусціць, то яшчэ нешта. Але хлопцы не канфліктуюць, яны ў свеце гульні і не лаюцца», — кажа выкладчыца.
Вучаць «акадэмікаў» і правільна арганізоўваць свой працоўны працэс. У класах заўсёды падтрымліваюць камфортную тэмпературу, а на занятках ёсць абавязковыя фізкульт-хвілінкі. Калі адразу засвоіць простыя правілы гігіены працы, то «сядзенне ў гаджэтах» не прынясе шкоды.
«Разумны дом» у каробцы і забаўная прафесія
У старэйшых на занятках усё больш сур’ёзна, але яны таксама цалкам пагружаныя ў працэс.
— На адных занятках мы робім гульні для тэлефона, на іншых праграмуем мадэлі, платы. Гэта вельмі займальна: ты робіш сваімі рукамі, і калі атрымліваецца, гэта вельмі натхняе працягваць. Цяпер магу паказаць аднакласнікам, што зрабіла тут на ўроку, яны такія: «Ваў, нічога сабе!». Пасля школы хачу паступаць у Мінск, думаю стаць праграмістам,
— распавядае перад заняткам Карына, ёй 15 гадоў.
У акадэміі няма сухой тэорыі, дзецям зразумела, для чаго ім той ці іншы прадмет. Напрыклад, на занятку яны збіраюць праект «разумнага дома», дзе скрыначка — мадэль пакоя, падключаюць усё самі. Праграма ўсіх курсаў пабудавана так, каб вучні ўбачылі вынікі працы.
Усе, хто прыходзіць вучыцца, пачынаюць з нуля, працэс ускладняецца паступова. Прасунутых рабят падключаюць да заняткаў у залежнасці ад іх ўзроўню ведаў па прадмеце навучання.
Пятнаццацігадовы Жэня распавядае, што пайсці на курсы прапанавалі бацькі. А потым спадабалася і ўцягнуўся. Цікава ствараць новае, праяўляць фантазію. Ён вучыцца ў гарадской гімназіі № 2, кажа, што ў іх у класе ўсе ведаюць, што такое праграмаванне. «У акадэміі заняткі прасунутыя і цікавыя, дружная група, дапамагаем адзін аднаму».
«ITeen Academy была створана, каб дапамагчы дзецям і падлеткам вызначыцца з будучай прафесіяй, — кажа кіраўнік Адукацыйнага цэнтра ПВТ у Гродне Кацярына Радзюн. — Яны шукаюць, яны спрабуюць, і разумеюць, чым хочуць займацца далей. Мы даем гэтую магчымасць паспрабаваць на майстар-класах, бясплатных пробных уроках і ў фармаце кароткатэрміновых інтэнсіваў падчас вакацый. Важны вынік кожнага дзіцяці, яго развіццё.
У нас цікавая і даступная форма падачы матэрыялу, групы ад 8 да 12 чалавек. Сярод нашых педагогаў - найлепшыя спецыялісты-практыкі ў галіне дзіцячай IT-адукацыі. Мы падтрымліваем дзіцячую ініцыятыву і пошук неардынарных рашэнняў, вучым крэатыўна мысліць, аналізаваць, свядома вучыцца і развівацца ў сучасным лічбавым свеце. Менавіта таму можам пахваліцца перамогамі і дасягненнямі вучняў у рэспубліканскіх і міжнародных конкурсах, канферэнцыях і турнірах».
Не зразумеем, што цікава, пакуль не паспрабуем
Адзінаццацігадовыя хлопцы, як і старэйшыя, будуюць планы, пытаюцца настаўнікаў, куды яны могуць пайсці працаваць. «Мы не можам зразумець, што нам будзе цікава, калі мы вырасцем, калі гэта ўсё не паспрабуем», — кажа Алена Лапыш.
Каб дзіця магло паспрабаваць цікавы курс і гарантавана атрымаць моцную базу ведаў і вопыту, у акадэміі прыдумалі новы фармат навучання — гадавы інтэнсіў. Улетку 2019 года пройдзе 6 змен па 2 тыдні штодзённых заняткаў у кожнай. За гэты час можна пазнаёміцца з абранай вобласцю IT. Потым — запісацца на іншую змену і адразу змяніць курс.
На інтэнсіве дзяцей навучаць працаваць у камандзе і адказваць за сваю працу, выступаць перад публікай, прэзентаваць праекты. У канцы кожнай змены пройдуць адкрытыя справаздачныя заняткі, дзе рабяты пакажуць вынікі сваёй працы.
Летнія інтэнсівы пройдуць па напрамках «CreationLab: вынаходніцтва і робататэхніка» (6−8 гадоў), «Сусвет у Minecraft» (7−10 гадоў), «Робататэхніка» (9−10 і 11−13 гадоў), «GameDev (праграмаванне гульняў)» (10−12 і 13−17 гадоў), «Дызайн» (10- 12 гадоў, моўшн-дызайн, анімацыя), «PixelArt: стварэнне піксельнай ілюстрацыі ў Photoshop» (11−13 і 15−17 гадоў) і «3D мадэляванне і прататыпаванне» (12−15 гадоў).
Запісацца на інтэнсіў і падрабязней пазнаёміцца з курсамі можна па спасылцы.
УНП 191 435 318
