«Хачу быць ілюстратарам». 9-гадовы гродзенец здзіўляе ўсіх сваімі стыльнымі малюнкамі

Пакой 9-гадовага Вані Глумакова з Гродна падобны да карціннай галерэі. На кожнай сцяне вісяць яго яркія работы. Усяго такіх малюнкаў каля сотні - на іх выдуманыя мульцяшныя героі з вялікімі вачыма. Гродзенец нават думае выпусціць свой камерцыйны каталог.

Маляваннем хлапчук захапіўся ў шэсць гадоў.

«Усё пачалося каля трох гадоў таму, калі я заўважыў у суседкі маркеры, — распавядае Ваня. — Зацікавіўся і папрасіў у бацькоў такія ж. Калі першы раз паспрабаваў імі маляваць — мяне сур’ёзна зацягнула. Вось мне ўжо амаль 10 гадоў і да гэтага часу малюю. Я зразумеў, што хачу гэтага рабіць. Гэта маё».

Відэа: Доктор Вербель

Ваня сам прыдумляе герояў. Яго натхняе рок-музыка і творы вядомых мастакоў. Фаварытаў няма, у кожнага бярэ патроху.

«Я не вучыўся ў школе маляваць, неяк сам усё засвоіў і прыдумаў сабе стыль. Усе мае персанажы выдуманыя, як і іх гісторыі. Усё, што мне прыходзіць у галаву, тое і малюю. Ёсць у мяне адзін прыдуманы герой і яго клічуць Біл, ён жыве ў Англіі».

Пакуль Ваня малюе дзеля ўласнага задавальнення, робіць гэта ў вольны ад вучобы час. Часам праводзіць у інстаграме конкурсы на скетчы, тады прыходзіцца маляваць сяброў і знаёмых.

Юны гродзенец плануе летам запусціць камерцыйны каталог сваіх малюнкаў, якія можна было б пераносіць на кубкі, майкі, плакаты, сцікеры і г. д. Яго ідэю дапаможа рэалізаваць мама Лана, якая працуе ў адным з рэкламных агенцтваў горада.

«Мы абмеркавалі з Ванем гэты праект, галоўнае каб у яго ўсё атрымлівалася, — кажа мама Лана. — Гэта будзе які-небудзь каталог, мы прапрацоўваем гэтае пытанне. А наогул, мне здаецца, Ванька ў нас заўсёды маляваў, але асабліва ўсіх уразіў, калі мы з ім пайшлі на арт-вечар Red Art. Было гэта недзе чатыры гады таму. Малявалі мы тады Манэ. Ваня быў першым дзіцём, якое прыйшло на гэтыя вечары. Ён стаў маляваць і ўсім спадабалася. Тады мы і заўважылі яго патэнцыял. З тых часоў ён малюе. Спачатку на паперы, потым на планшэце».

На 10 гадоў Ваня папрасіў у бацькоў сцілус для планшэта. Хлопчык кажа, што тата спачатку не ўспрымаў усур’ёз яго творчасць, але пасля змірыўся.

«Тата хоча, каб я стаў бізнесменам або банкірам, але нядаўна я зразумеў, што хачу быць ілюстратарам. Пакуль вучуся ў школе, буду асвойваць гэтую прафесію, а там будзе бачна», — дадаў Ваня.







Падзяліцца

Апошнія запісы

«Каб цябе пярун забіў!» Як неверагодны пярун 90 гадоў таму трымаў у страху Гродзеншчыну

“Каб цябе пярун забіў!” - адзін з найбольш вядомых беларускіх праклёнаў. У 1934 і 1935…

22 красавіка 2025

Гродзенцы адкрылі грыбны сезон. Дзе ў вобласці шукаць смаржкі і іншыя грыбы?

З надыходам цяпла ў заходніх рэгіёнах Беларусі - Гродзенскай і Брэсцкай абласцях - сталі з'яўляцца…

22 красавіка 2025

Аліўкавыя, залатыя і мармуровыя яйкі. Трэнды Tik Tok на Вялікдзень 2025

Змяшаць два знаёмыя спосабы афарбоўкі яек і атрымаць аліўкавы колер, знайсці спосаб з дапамогай хімічнай…

17 красавіка 2025

«Усё жыццё мару, што нехта са сваякоў знойдзецца». Гродзенка расказала, як пасля вайны не змагла з’ехаць у Польшчу і трапіла ў Казахстан

Яніна Міхайлаўна Земба нарадзілася ў Гродне ў 1934 годзе. Падчас нямецкай акупацыі яе маму вывезлі…

10 красавіка 2025

Мільярды еўра — Варшаве, мільёны — Мінску. Параўналі, як Польшча і Беларусь выкарыстоўвалі еўрапейскія гранты

«Еўрасаюз нам не патрэбен!» Гэты наратыў папулярны не толькі ў беларускай прапаганды, але і ў…

9 красавіка 2025

Як з беларускіх зямель даплывалі да Амерыкі 100 год таму: расказвае падкаст «Зямля свабоды»

У пошуках лепшага жыцця тысячы людзей выязджалі з беларускіх зямель больш за сто год таму.…

9 красавіка 2025