«Кірдык ужо пачаўся», — напісаў на сваёй старонцы ў фэйсбуку гродзенскі кіроўца хуткай Алім Софу. Паводле яго слоў, на 19 красавіка ізаляваны тры гродзенскія брыгады хуткай дапамогі, уключаючы кіроўцаў, а таксама некалькі фельчараў, якія выязджаюць на выклікі самастойна. Некалькі дзясяткаў калег «вісяць у паветры» — чакаюць вынікі тэстаў. «Я хачу, каб вы разумелі, — піша Алім, — Калі ляжа хуткая, ляжа краіна».
Па словах Аліма Софу, асноўная складанасць у тым, што брыгада хуткай не ведае, на які выклік яна едзе і ці будзе там небяспека інфікавання. Дыспетчарам цяжка высветліць па тэлефоне стан пацыента. Не ўсе могуць аб’ектыўна ацаніць сітуацыю і граматна распавесці пра прычыны выкліку.
Часам гэта бывае крытычна, таму што сродкаў індывідуальнай абароны на змену выдаецца зусім не шмат — адзін «супрацьчумны» камплект і рэспіратар з пальчаткамі для фельчара і для кіроўцы. У адной і той жа вопратцы брыгада ездзіць на ўсе выклікі.
Напрыклад, прыехалі на сардэчны прыступ, а потым высвятляецца, што ў пацыента станоўчы тэст на каранавірус. Але гэта стане вядома праз некалькі дзён. А ў тое дзяжурства брыгада, якая стала кантактамі першага ўзроўню, яшчэ не раз выязджае да іншых хворых.
«Весткі ў бой без куляў маглі толькі штрафбаты»
«Гэта ж рэальная пандэмія, а не вучэнні», — піша Алім Софу, дзівячыся грэбаванню да мер бяспекі. Ён называе сябе «дылетантам» і не прэтэндуе на экспертную ацэнку сітуацыі, толькі разважае. Магчыма, так адбываецца «з-за недастатковага разумення і з-за недахопу магчымасцяў», а можа,
гэта «халатнасць і неадпаведнасць займаемай пасадзе кіраўнікоў».
Чытайце таксама: «Урачы на перадавой, нам трэба іх абараніць». Як гродзенцы робяць для медыкаў ахоўныя экраны
«Весткі ў бой без патронаў і ў штыхавую маглі толькі штрафбаты, — параўноўвае сітуацыю з ваеннай кіроўца. — Часам менавіта так я сябе адчуваю».
«Дзяржава не зразумела, з чым сутыкнулася»
Алім Софу кажа, што сітуацыя нагадвае яму «псіхалагічную атаку» з фільма «Чапаеў». Толькі ў кіно гэта была рэжысёрская выдумка. Тут — рэальнасць.
«Усебеларускі чапай усё зрабіў наадварот. Ён кінуў медыкаў у псіхалагічную атаку, на кулямёты каранавіруса. І ўсё толькі пачынаецца. Мы ўжо падаем ад пацверджаных тэстаў, ад кантактаў першага ўзроўню».
В Беларуси от коронавируса умерли 45 человек. Общего числа заболевших Минздрав не назвал
Белорусским медикам доплатят за работу с COVID-19. Сколько они получат?
За три дня — плюс 26 человек. Сколько зараженных коронавирусом в Гродненской области
Тыя, хто сёння прымаюць рашэнні, лічыць Алім, «маглі б разумець, што забеспячэнне сёння медыкаў заўтра выратуе большасць насельніцтва краіны».
«Каб вы разумелі»
Алім распавёў, што пасля выклікаў да пацыентаў з каранавірусам машыну апрацоўваюць унутры антысептыкам праз распыляльнік. «А праз паўгадзіны мы вязем вас, вашых мам, пап, дзяцей, парадзіх-жонак… На гэтай жа машыне, у гэтым жа салоне».
Кіроўца хуткай кажа пра гэта проста, «каб вы разумелі» і раіць: перш, чым выклікаць хуткую, падумайце, адкуль яна прыедзе.
«Можа варта ўважліва паслухаць рэкамендацыі лекараў, дачакацца тэрапеўта з паліклінікі? А нашым калегам аказаць кансультацыю, а хуткую выклікаць толькі, калі стан пацыента не палепшыўся? Столькі відавочнага, што неверагодна…»
