З гродзенскіх вулачак бачна Фару Вітаўта. Сцяна Каложскай царквы ацалела і не абрынулася ў Нёман, а тэлевізійная вежа на Горкага будзе стаяць яшчэ мінімум 1000 гадоў. Hrodna.life паглядзеў, як нейрасетка Midjourney бачыць Гродна.
Midjourney — праект, які ў лютым 2022 года заснаваў амерыканскі навуковец Дэвід Хольц. Штучны інтэлект праграмы стварае ілюстрацыі паводле тэкставага апісання. Зараз інструмент знаходзіцца на стадыі адкрытага бэта-тэставання. Кожны жадаючы можа паспрабаваць і стварыць свае ілюстрацыі паводле тэкста.
Летнія гродзенскія вуліцы нейрасетка бачыць вось так. На другой ілюстрацыі бачна касцёл. Яго вежа аддалена нагадвае вежу Фары Вітаўта, якая выяўлена на гравюры Макоўскага. Аднаўленне храма пад канцэртную залу прадугледжана дэталёвым планам гістарычнага цэнтра горада. Магчыма, нейрасетка нешта ведае.
Вось такія варыянты Савецкай плошчы прапанавала нейрасетка.
А вось так, паводле Midjourney, выглядае Каложская царква ХІІ стагоддзя. Нейрасетка захавала разбураную сцяну. Магчыма, з-за таго, што бераг, на якім размешчаны храм, не такі высокі, як у сапраўдным жыцці і не быў падмыты Нёманам.
Пажарную каланчу на вуліцы Замкавай, 19 нейрасетка бачыць на адзін паверх ніжэй, чым ёсць насамрэч, а таксама больш шырокай. На другой ілюстрацыі нейрасетка намалявала пажар 1885 года, з-за якога жыхары 519 дамоў засталіся без даху над галавой.
Чытайце таксама: Убачыць Гродна з каланчы. Фотарэпартаж Hrodna.life з Музея пажарнай службы
Вось такія варыянты прадпрыемства «Гродна Азот» стварыла нейрасетка.
Нейрасетка прапанавала і сваё бачанне знішчэння драўлянай архітэктуры ў Гродне. Многія будынкі ў раёне Новы Свет страчаны за апошнія 10 гадоў.
Чытайце таксама: «Спыніце знішчэнне Гародні». Пока вы спали, на Волковича стали сносить старинный дом
Па запыце «Горад Гродна ў 3022 годзе» Midjourney прапануе вось такія варыянты. Як можна ўбачыць на другой ілюстрацыі - і праз 1000 гадоў гродзенская тэлевежа на вуліцы Горкага застанецца на сваім месцы.
Чытайце таксама: Савецкія будынкі Гродна: дзе ў Расіі і Украіне знайсці іх «блізнятаў»
Гродзенскія кантралёры - самыя суровыя, а пасажыры - самыя дружныя. Квіток можна на выхадзе з…
Раніцай гродзенка Людміла Юрахно як звычайна пайшла на працу, але дадому вярнулася толькі праз паўгода.…
Гродзенцы скардзяцца, што шмат якія ўстановы ў горадзе выглядаюць аднолькава. Напрыклад, некаторых расчаравалі рэндары інтэр'ераў…
Адчуць таямнічую атмасферу Хэлоўіна можна ў розных месцах Гродзеншчыны: у рэгіёне мноства закінутых сядзіб, старажытных…
Гродзенка Кацярына Карлацяну, заснавальніца брэнда Krikate ("Крыкейт"), паказала сваю калекцыю на Тыдні моды ў Парыжы.…
Набліжаецца Хэлоўін, час восеньскага настрою і містыкі. Пакуль у Беларусі яго цэнзуруюць, Hrodna.life сабраў атмасферныя…
