Людзі і справы

«Што можа быць лепш, чым глядзець на жаночыя ножкі знізу ўверх?». У Гродне адкрываецца караоке-бар «Glory Hall»

Установа пазіцыянуе сябе як незвычайнае спалучэнне рэстарана, бара і караоке. У бары абяцаюць еўрапейскую кухню і шырокую кактэйльную карту. Аб хуткім адкрыцці ўладальнікі абвясцілі ў Instagram. Цяпер яны шукаюць кандыдатаў на сем вакансій. У камунікацыі з гасцямі бар ужо цяпер выкарыстоўвае сэксуальныя правакацыі і турэмныя жарты пра «два крэслы».

Будучае афармленне бара можна паглядзець у профіле ўстановы ў Instagram. Для абрамлення барнай стойкі выбралі варсісты мяккі фасад, «каб калені гасцей не біліся аб безжыццёвыя цвёрдыя матэрыялы». Абяцаюць арыгінальны дызайн у прыбіральні: яркі дэкор, «шыкоўную» люстру, неонавае падсвятленне і яркія колеры.

Адкрытая кухня ў бары будзе працаваць кругласутачна, за працай кухараў зможа назіраць любы наведвальнік.

Каб атрымаць зорку ў зале славы, трэба выканаць любы караоке-хіт на 85 балаў з 100. Для ацэнкі якасці выканання выкарыстоўваецца ліцэнзаваная саманавучальная нейрасетка.

Караоке-бар Glory Hall. Фота: instagram.com/smokkin.secretproject

«Шэф-бармэн Камшот Жолдыбееў»

У назве бара, афармленні, і камунікацыі з гасцямі бар выкарыстоўвае сэксуальныя правакацыі, адпаведную лексіку і сэксісцкія жарты. Назва бара сугучна з выразам «glory hole». Гэта адтуліна ў сцяне для пеніса для здзяйснення ананімных сэксуальных кантактаў, часцей за ўсё гомасэксуальных і ў грамадскіх туалетах.

«Што можа быць лепш, чым глядзець на жаночыя ножкі знізу ўверх, калі дапіваеш свой кактэйль? — задаюцца пытаннем уладальнікі або іх кантэнт-менеджэр ў Instagram. — Адказ ёсць: лепш глядзець на тое, як табе гатуюць гэты кактэйль па аўтарскім рэцэпце нашага шэф-бармэна Камшота Жолдыбеева». Рэальна існуе Камшата Жолдыбаева — казахская акторка.

«Дызайнерскія крэслы не пакідаюць выбару: на адзін сам сядзеш, на іншы сябра пасадзіш», — цытуюць турэмную загадку пра два крэслы.

«Як бы высока ты ні ўзлятаў, ніколі не забывай, з чаго і з кім ты пачынаў» (c) — менавіта таму ў прыбіральні пануе сяброўская атмасфера, заўсёды можна працягнуць руку дапамогі, калі ў суседа скончылася туалетная папера".

Хто адкрывае бар?

«Мы ствараем новы вопыт і ўражанні для нашых гасцей. Наша місія — стварыць сетку дэмакратычных устаноў, дзе наведвальнікі маглі б адпачываць, адчуваючы сябе як у гасцях у блізкага сябра, а каманда была гасціннымі гаспадарамі», — кажуць пра сябе ўладальнікі сеткі ф’южн бараў і рэстаранаў у Беларусі Smokkin Fusion. «Glory Hall» будзе іх установай.

На сваім сайце кампанія запэўнівае, што ўкладваецца ў навучанне супрацоўнікаў, падтрымлівае прадпрымальніцкія пачынанні, прадастаўляе асаблівыя ўмовы для адкрыцця рэгіянальнай франшызы членам каманды.

Цяпер у бары шукаюць кухара, су-шэфа, хостэс, бармэна, афіцыянта, кальян-майстра, бэк-вакаліста і вядучага караоке.

Ва ўладальніка ўжо ёсць ўстанова ў Гродне

У інтэрнэце ўладальнік кампаніі, дзіджытал-маркетолаг, распавядае аб сваім вопыце работы ў грамадскім харчаванні. Спасылкі на аповяд аб сваім вопыце ўладальнік размясціў у анкеце для пошуку супрацоўнікаў. Сваё імя ён не называе. Ураджэнец Масквы ў 2017 годзе арганізаваў у Мінску кіёск з марозівам джэлата, бо яго сястра выйшла замуж за беларуса. Першым іх фестывалем стаў Freaky Summer Party ў Мінску. Праект праіснаваў адно лета. Ідэя сеткі кафэ-марожаных перастала здавацца прадпрымальніку прывабнай. Грошы адбілі, але прыбытак не атрымалі.

Затым каманда адкрыла яшчэ тры ўстановы — у Мінску, Гродне і Бабруйску. Верагодна, гаворка ідзе пра «Hookah Place». Ва ўстановы высокія ацэнкі на Google і Яндекс і добрыя водгукі. Кіруе праектамі ўладальнік дыстанцыйна з Масквы. Бюджэт запуску праектаў складаў $ 90−100 тыс, перавысіўшы першапачатковы каштарыс у два з паловай разы. Бар стаў прыносіць грошы ўжо з першага месяца працы.

Да адкрыцця давялося сутыкнуцца з праверкай з рэгіянальнага Міністэрства архітэктуры. Прэтэнзія заключалася ў самавольным збудаванні, якое псуе гістарычнае аблічча горада — брылі над уваходам. Справа дайшла да суда — уладальнікі атрымалі штраф.

«Ужо праз год распачатая пандэмія і эканамічны локдаўн прывядуць рэстаранны бізнэс да шэрагу банкруцтваў па ўсім свеце. Крыху пазней палітычныя пратэсты ў Мінску, Гродне і іншых буйных гарадах Беларусі даб’юць яшчэ адну частку устаноў, якія выжылі. І ў той момант, калі ўсім падасца, што самае страшнае пазаду, пачнуцца сумежныя ваенныя дзеянні, якія зноў абрынуцца на неакрэплыя бізнэсы галапуючай інфляцыяй і эканамічнымі санкцыямі», — сказаў уладальнік.

Аднак ён рэінвестуе прыбытак у адкрыццё новых устаноў. Цяпер іх ужо дзевяць — чатыры ўласныя, тры адкрытыя па франшызе і два партнёрскія. Верагодна, адно з іх — «Glory Hall».

Падзяліцца

Апошнія запісы

«Я і цяпер не згублюся ў Гродне». Пагутарылі з рэпатрыянтам, які пераехаў у Польшчу ў 1946 годзе, але дагэтуль памятае родны горад

Генрык Усціла нарадзіўся ў 1929 годзе ў Гродне на вуліцы Брыгіцкай. У 1935 годзе яго…

21 лютага 2025

«Нам з вамі нельга мець ніякіх сувязей». З’ездзілі ў Белавежскую пушчу, падзеленую агароджай, і даведаліся, што адбываецца па абодва бакі

Агароджа на мяжы Польшчы і Беларусі дзеліць Белавежскую пушчу на дзве часткі. Па абодва бакі…

19 лютага 2025

«Пасведчанне аб шлюбе парвалі пры сварцы». Як беларусы (не) разводзяцца ў эміграцыі

Ягор з партнёркай перажылі тры пераезды і вайну, і калі вонкавага лайна стала менш -…

18 лютага 2025

Забойства інжынера Кёніга. Як у Гродне 100 гадоў таму расследавалі гучную справу

Сто гадоў таму ў Гродне адбылося самае гучнае забойства 1925-га: у цэнтры гораду забілі вядомага…

17 лютага 2025

Дзень Сябровак замест Валянцінава дня. А вы ведалі, што адзначаюць 13 лютага?

Напярэдадні Дня святога Валянціна ўсё больш жанчын у свеце адзначаюць Дзень Галентайна - жаночага сяброўства.…

13 лютага 2025

Казюкі ў парку, блін-тусоўка і па пудзілу на кожны дзень. Дзе ў Гродне адсвяткаваць Масленіцу-2025

Масленіца ў гэтым годзе прыпадае на 2 сакавіка, а масленічны тыдзень пачынаецца з 24 лютага.…

12 лютага 2025