Людзі і справы

Гайкі, балты i падшыпнікі. Майстар з-пад Гродна робіць незвычайныя канструкцыі з дробнага металу

Уладзіміра Сыраквашына з вёскі Пархімаўцы Бераставіцкага раёна ў Гродне многія ведаюць дзякуючы яго цацкам з металалому. Увесь дробны другагатунковы матэрыял, які паддаецца зварцы, Уладзімір выкарыстоўвае для сваіх работ.

Усё пачалося з цмока

Асвойваць незвычайную справу мужчына пачаў адразу пасля службы ў войску. Да арміі Уладзімір працаваў у СВК «Пархімаўцы» электрагазазваршчыкам, там і стварыў першую сваю працу — дракона з металалому.

«Ішоў па майстэрні, убачыў кардан ў металаломе. Надта ён нагадваў галаву, вось толькі чыю, я тады не ведаў. Пазней атрымалася галава цмока. Пасля арміі, калі стаў выбар куды ісці на працу — вырашыў у кавалі, хацелася паспрабаваць сябе ў гэтай справе», — распавядае Уладзімір.

Цяпер мужчына займаецца вырабам каваных платоў, парэнчаў, сходаў, агароджаў і іншых вырабаў з металу. Праца ў асноўным звязана са зваркай. У вольны час ці ў выходныя ён у майстэрні займаецца сваім хобі.

Нешта прадаецца, а нешта дарыцца

У ход ідзе ўсё, што паддаецца зварцы: гайкі, балты, падшыпнікі, свечкі, шайбы і іншыя адпрацаваныя аўтазапчасткі, кавалкі бляхі. З іх з’яўляюцца дзіўныя машыны, матацыклы, квадрацыклы, верталёты і іншыя мадэлі.

«Працую з металаломам, які застаецца ад рамонту майго аўтамабіля або аўто знаёмых. Сябры, якія ведаюць аб маім хобі, аддаюць мне матэрыял. Некаторыя элементы прыходзіцца купляць асобна. Частка маіх работ служыць падарункамі для сяброў і знаёмых, нешта атрымоўваецца прадаць, а нешта застаецца ў маёй калекцыі».

Многія пытаюцца ва Уладзіміра, адкуль у яго натхненне на ўсе працы. Ён адказвае — у галаве. Яму проста падабаецца працаваць з металам — рабіць нешта сваё, незвычайнае.

З куба атрымаўся WALL-E

Уладзімір кажа, што ён не адзіны, хто ў Гродне займаецца такой працай. Проста не кожны пра сябе заяўляе. Сам ён камунікуе з калегамі з Расіі. У размове майстры дзеляцца вопытам, коштамі і планамі.

«Апошнім часам я асвойваю аргонную зварку. Нядаўна зрабіў цікавую працу па любімым мультфільме WALL-E. Спачатку зрабіў куб. Ён доўга ляжаў і ўвесь час трапляўся на вочы. Надта ён быў падобны да WALL-E, вось і я вырашыў яго дарабіць.

А вось рыцара з дроту пад фільм рабіў. Глядзеў фільм і займаўся гэтай працай, бо заўсёды хацеў паспрабаваць зрабіць нешта з дроту».

«Дарабіць сваю майстэрню i магчымасцяў будзе больш»

Зараз у калекцыі Уладзіміра больш за 15 незвычайных работ. Гэта матацыклы, машынкі, скарпіёны, падсвечнікі У планах — дарабіць сваю майстэрню і арганізаваць уласную выставу.

«Пакуль я збіраю дробныя цацкі з металалому, а праз паўгода можа атрымаецца і нешта буйней, а можа наогул від дзейнасці змяню. Жыццё рухаецца наперад, я таксама не стаю на месцы. Што дакладна ведаю — трэба дарабіць сваю майстэрню».

Праз Hrodna.life Уладзімір звяртаецца да гродзенцаў, у якіх ёсць непатрэбныя адпрацаваныя аўтазапчасткі, якiмi яны маглі б з ім падзяліцца. Мужчына гатовы выехаць на месца.

Усю інфармацыю пра Уладзіміра, можна знайсці ў яго групе ў Вконтакте.

Падзяліцца
Меткі: хобі

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025