Людзі і справы

Моладзь прапануе стварыць у Гродне інтэрактыўны музей: паглядзіце на візуалізацыі

Антон Калодкін і Наталля Зяцева з Гродзенскага палітэхнічнага каледжа прыдумалі Музей этнічнага і сучаснага мастацтва. Там можна будзе не толькі ўбачыць лічбавыя карціны, створаныя архітэктарамі і дызайнерамі, але і змяняць экспанаты, прапаноўваючы свае варыянты рэстаўрацыі і рэканструкцыі будынкаў і вуліц Гродна.

Пакуль гэта толькі ідэя — ёй аўтары падзеляцца на абласным этапе конкурсу «100 ідэй для Беларусі».

Пачыналася з дыпломнай працы

Праект ствараўся як дыпломная праца выпускніцы палітэхнічнага каледжа Маргарыты Касцецкай. Антон і Наталля яго дапрацоўвалі. Сёння яны прапануюць рэалізаваць дапрацаваны праект: пабудаваць музей этнічнага мастацтва з інтэрактыўнай інсталяцыяй, укараніць мультымедыйныя і інтэрактыўныя тэхналогіі, каб наведвальнікі не толькі знаёміліся з этнасамі Беларусі і Гродзеншчыны, але і ўзаемадзейнічалі з экспазіцыяй.

«У Гродне не хапае музеяў этнічнага мастацтва. Да таго ж Гродна — турыстычны горад, бязвізавая зона, а гэта спрыяе праектаванню такога музея», — распавядае Наталля Зяцева.

Наведнік будзе сааўтарам

Аўтары праекту адзначаюць, што ў іх музеі наведвальнік разглядаецца як сааўтар. У праекце ёсць назіральныя залы гістарычнай спадчыны Гродна і Гродзеншчыны з экспанатамі сучаснага мастацтва.

«У сам будынак ўкаранёны інтэрактыўныя і мультымедыйныя тэхналогіі. Ёсць мульцітач-стол з макетамі мікрараёнаў Гродна, якія дазваляюць наведвальніку знутры, без дапамогі экскурсавода, прапаноўваць свае варыянты рэканструкцыі і рэстаўрацыі будынкаў і вуліц».

Дзе пабудаваць музей

Аўтары прапануюць пабудаваць музей на правым беразе Нёмана, уздоўж вуліцы Падольнай.

«Мы б хацелі бачыць музей менавіта ў цэнтры горада. Аб’ект арганічна ўпішацца ў архітэктурны ансамбль набярэжнай за кошт архітэктурна-прасторавага рашэння будынка».

А што вы думаеце пра такі музей? Пішыце ў каментарыях!

Падзяліцца

Апошнія запісы

«Каб цябе пярун забіў!» Як неверагодны пярун 90 гадоў таму трымаў у страху Гродзеншчыну

“Каб цябе пярун забіў!” - адзін з найбольш вядомых беларускіх праклёнаў. У 1934 і 1935…

22 красавіка 2025

Гродзенцы адкрылі грыбны сезон. Дзе ў вобласці шукаць смаржкі і іншыя грыбы?

З надыходам цяпла ў заходніх рэгіёнах Беларусі - Гродзенскай і Брэсцкай абласцях - сталі з'яўляцца…

22 красавіка 2025

Аліўкавыя, залатыя і мармуровыя яйкі. Трэнды Tik Tok на Вялікдзень 2025

Змяшаць два знаёмыя спосабы афарбоўкі яек і атрымаць аліўкавы колер, знайсці спосаб з дапамогай хімічнай…

17 красавіка 2025

«Усё жыццё мару, што нехта са сваякоў знойдзецца». Гродзенка расказала, як пасля вайны не змагла з’ехаць у Польшчу і трапіла ў Казахстан

Яніна Міхайлаўна Земба нарадзілася ў Гродне ў 1934 годзе. Падчас нямецкай акупацыі яе маму вывезлі…

10 красавіка 2025

Мільярды еўра — Варшаве, мільёны — Мінску. Параўналі, як Польшча і Беларусь выкарыстоўвалі еўрапейскія гранты

«Еўрасаюз нам не патрэбен!» Гэты наратыў папулярны не толькі ў беларускай прапаганды, але і ў…

9 красавіка 2025

Як з беларускіх зямель даплывалі да Амерыкі 100 год таму: расказвае падкаст «Зямля свабоды»

У пошуках лепшага жыцця тысячы людзей выязджалі з беларускіх зямель больш за сто год таму.…

9 красавіка 2025