Горад

Дурні і турызм: як у Гродне пахавалі праект «культурнага офшору»

Калі ў Расіі, як гаворыцца, дзве бяды, то ў нас толькі адна, таму што дарогі ў Беларусі нядрэнныя. Прыклад - тое, што мы робім з выдатнымі праектамі ў турызме, якія быццам бы ляжаць на паверхні. Правільна! Часцяком мы іх вязём на могілкі, — піша выданне «Туризм и отдых». Адным з аб’ектаў яго абмеркавання стаў і лёс меркаванага «культурнага офшора» на Гарадзеншчыне. Гэта ідэя, на думку выдання, лунала ў паветры, але так і не была рэалізавана. Зрэшты, магчыма, калі-небудзь хто-небудзь да яе яшчэ вернецца. Тэма і зараз застаецца актуальнай.

Краіне трэба месца, дзе можна было б цалкам пагрузіцца ў беларускі нацыянальны каларыт. Каб вакол — корчмы, нацыянальная кухня, беларуская мова і дух гістарычнай эпохі да трэцяга падзелу Рэчы Паспалітай. Гродна — гатовая пляцоўка для таго, каб паэксперыментаваць з нацыянальным «культурным афшорам».

Гэта ў Мінску носьбітаў так бы мовіць культурнага коду — кот наплакаў, а Гродна, як бы яго ні абвінавачвалі ў «пальшчызне», застаецца самым вялікім, прыдатным і суцэльным ў Беларусі месцам з пункту гледжання канцэнтрацыі архітэктурных славутасцяў і захавання духу гістарычнай эпохі.

Фота: Ігар Рэмзік
Беларусы ў цяперашні час народ, вядома, спецыфічны. Мы, на жаль, можам прапанаваць турыстам замала каларыту: што з нас узяць — ахвяра гістарычнага эксперыменту Кацярыны II і бальшавікоў! У той жа час недзе на перыферыі ментальнасці напэўна захоўваецца ўсё тое лепшае, на чым у цяперашні час зарабляюць грошы ўкраінцы ў Кіеве і Львове альбо расіяне на Залатым кальцы. Трэба прадаваць нацыянальны каларыт. У Гродне ён ёсць. Толькі трэба ўзмацніць яго, аб’яднаўшы гістарычныя кварталы ў адзіную турыстычную нацыянальную зону.

[irp posts="6267″ name="Помнік каралю, незвычайныя кавярні і ратуша. 5 ідэй са Львова, што не зашкодзілі б і ў Гродне"]

Гэта можа быць квартал накшталт Ля Бока ў Буэнас-Айрэсе — з вулічнымі галерэямі, спевакамі, тэатрамі, рамеснікамі і рэстаранамі. Толькі беларуская мова! Зразумела, ніякай цэнзуры! І, пажадана, льготная падатковая сістэма — усё ж такі гэта афшор. Запэўніваю вас, палякі, літоўцы і расіяне першымі паедуць падзівіцца на такі цуд! Ды што там палякі! Мы самі будзем па выхадных масава ўцякаць у Гродна, каб папіць крамбамбулі, глінтвейну, адчуць атмасферу, паслухаць жывую музыку і мову.

[irp posts="21 610″ name="Пратэсты апазіцыі як турыстычны брэнд: адкуль з’явіўся самы вядомы турыстычны сімвал сучаснага Вроцлава"]

Вядома, шмат хто ў свой час ўспрыняў гэтую ідэю як стварэнне нейкай зневажальнай рэзервацыі. Але калі жыхары Манака ратавалі сваё дробнае княства ад французаў пры дапамозе казіно і покера, гэта на першы погляд таксама выглядала сумнеўна, а цяпер, дзякуй Богу, жывуць і квітнеюць, а пашпарт Манака з’яўляецца адным з самых жаданых ў свеце.

[irp posts="42 806″ name="Гродна — беларуская сталіца кавы. 5 аргументаў за" ад экспертаў"]

Пагадзіцеся, сёння, у пошуках чаго-небудзь нацыянальнага беларускага, можна выйсці на вуліцу любога нашага горада ці вёскі і залямантаваць грамавым голасам: «Дзе ты, Беларусь? Ась? «- Няма адказу! А вось гэта ідэя, у выпадку ажыццяўлення, магла б наблізіць нас да нечага разумнага, добрага, светлага — да будучыні!

Падзяліцца

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025