Гатуй хутка, еш павольна. Блінцы з начынкай для нядзельнага сняданку

На сняданак з Hrodna.life 30 траўня Філіп Кутакоў прапануе прыгатаваць блінцы з начынкай. Здаецца, што гэта занадта складана для сняданку? Увогуле — не. У кнізе, якую Філіп абраў для сняданку — тая ж думка: «Калі чалавеку замінае жыць толькі арэхавая шкарлупіна, якая патрапіла ў чаравік, ён можа лічыць сябе шчаслівым», — кажа Карлсан Астрыд Ліндгрэн у казцы «Малы і Карлсан».

З абавязковых прадуктаў для сняданку спатрэбяцца мука, яйкі, малако для бліноў і адварное ялавічнае сэрца, морква і цыбуля для начыння. Колькасць прадуктаў у рэцэпце ўзята з разліку на вялікую сям’ю. Бліноў хопіць на 4−6 чалавек.

«Раз-облачение — это когда с облаков спускаешься на землю». Многодетная мама из Гродно рассказала о творчестве, трудностях и счастье большой семьи

Прадукты для гатавання сняданку:

Для бліноў: малако — 1,5 літра; мука — 5 шклянак; яйкі - 3 шт.; вада — 1 шклянка; цукар — 2 сталовыя лыжкі, соль — 1 чайная лыжка.

Для начыння: адварное ялавічнае сэрца — 0,5 кг; 1−2 морквы, 1 цыбуліна, соль на смак.

Гатуем цеста для бліноў

У місу разбіваем яйкі і дадаем соль і цукар. Змешваем венчыкам.

Гатуй хутка, еш павольна. Блінцы з начынкай для нядзельнага сняданку — Гатуем цеста для бліноў

Выліваем малако і ваду, высыпаем 2 шклянкі мукі, змешваем. Затым дадаем астатнюю муку. Цеста вымешваюць да аднастайнасці.
Разаграваем патэльню, выпякаем бліны на раслінным алеі па 1−1,5 хвіліны з кожнага боку.

Рыхтуем начынку

Націраем моркву на тарку, а адварное сэрца і лук дробна наразаем.

2. Разаграваем патэльню, наліваем сланечнікавы алей і закладваем цыбулю з морквай. Абсмажваем 4 хвіліны. Затым дадаем нарэзанае сэрца. Соль і прыправы — на смак.