Горад

Бар з «агеньчыкам». У Гродне адкрыўся пірацкі «Карсар»

«Уяўляеце, тры тыдні! Тры тыдні я вяртаўся дамоў у чатыры раніцы. А ў дзевяць ранку ўжо быў на працы», — не хавае эмоцый дырэктар бара Мікола на адкрыцці 31 сакавіка. Менавіта за такі кароткі час стваральнікі абсталявалі памяшканне. Пакуль ён працуе ў дэма-рэжыме і афіцыйнае адкрыццё плануецца бліжэй да лета. Але выпіць «пірацкі» экстрымальны кактэйльчык у інтэр'еры карабельнага трума можна ўжо зараз.

Галоўная фішка ўстановы — экстрымальныя вогненныя кактэйлі. Іх гатуе бармен Ігар. Наведвальнікаў у час шоў просяць адыйсці падалей, так што гэта цалкам бяспечна і эфектна. У бары можна пакаштаваць піва і кактэйлі з «пірацкімі» назвамі. У склад большасці з іх уваходзіць тыповы для піратаў ром (ё-хо-хо!).

На адкрыцці дыджэі гралі папулярную музыку і «класіку» кшталту Макса Каржа і вечнай «Батарэйкі». Плануецца кожныя выходныя прысвячаць пэўнаму жанру. Будуць дыскатэкі 80-х і 90-х, трэп-вечарыны, нават рок-фестывалі.

Самае тусовачнае месца?

Бар пакуль працуе ў дэма-рэжыме. Планы ў капітана (уласніка) Канстанціна Сапажкова амбітныя — зрабіць бар самым тусовачным месцам у горадзе. Таму ён будзе прыслухоўвацца да меркаванняў людзей і дарабляць тое, што ім будзе цікавым.

Дарэчы, мэбля абыйшлася ўласнікам практычна бясплатна. Яны куплялі дрэва і самі яго габлявалі ды збівалі. Шмат бясплатна дапамагалі пастаянныя кліенты First Vape Bar, які таксама належыць Канстанціну.

Дырэктар Мікола Шамарын і ўласнік Канстанцін Сапажкоў

Кінапрагляды і настолкі

Ужо плануецца летняя тэраса, дзе будуць праходзіць кінапрагляды. У бары будуць гуляць у покер і праводзіць спаборніцтвы па Xbox. Таксама ўласнік заключыў дамову з крамай-клубам настольных гульняў «Кубік». З гульнямі ад «Кубіка» можна прыйсці ў бар на бясплатную гарбату, а з чэкам з бару ўзяць настолку ў краме.

Афіцыянты-піраты і папугай

Яшчэ адной фішкай установы абяцае стаць папугай, які будзе выкрыкваць каронныя пірацкія фразы. А бармэны і афіцыянты хутка будуць абслугоўваць у піратскай форме. Таксама з’явіцца паўнавартасная кухня. Пакуль гэта проста нарэзкі і салаты.

Дырэктар установы Мікола Шамарын кажа, што плануюцца так званыя «выхады ў порт», то бок марафоны з высокаградуснымі напоямі. «Піраты на караблі не ўжывалі алкаголь. А вось пасля ўдалага захопу карабля сыходзілі ў порт і…», — шматабяцаюча замаўкае дырэктар, захоўваючы інтрыгу.

Падзяліцца

Апошнія запісы

«Каб цябе пярун забіў!» Як неверагодны пярун 90 гадоў таму трымаў у страху Гродзеншчыну

“Каб цябе пярун забіў!” - адзін з найбольш вядомых беларускіх праклёнаў. У 1934 і 1935…

22 красавіка 2025

Гродзенцы адкрылі грыбны сезон. Дзе ў вобласці шукаць смаржкі і іншыя грыбы?

З надыходам цяпла ў заходніх рэгіёнах Беларусі - Гродзенскай і Брэсцкай абласцях - сталі з'яўляцца…

22 красавіка 2025

Аліўкавыя, залатыя і мармуровыя яйкі. Трэнды Tik Tok на Вялікдзень 2025

Змяшаць два знаёмыя спосабы афарбоўкі яек і атрымаць аліўкавы колер, знайсці спосаб з дапамогай хімічнай…

17 красавіка 2025

«Усё жыццё мару, што нехта са сваякоў знойдзецца». Гродзенка расказала, як пасля вайны не змагла з’ехаць у Польшчу і трапіла ў Казахстан

Яніна Міхайлаўна Земба нарадзілася ў Гродне ў 1934 годзе. Падчас нямецкай акупацыі яе маму вывезлі…

10 красавіка 2025

Мільярды еўра — Варшаве, мільёны — Мінску. Параўналі, як Польшча і Беларусь выкарыстоўвалі еўрапейскія гранты

«Еўрасаюз нам не патрэбен!» Гэты наратыў папулярны не толькі ў беларускай прапаганды, але і ў…

9 красавіка 2025

Як з беларускіх зямель даплывалі да Амерыкі 100 год таму: расказвае падкаст «Зямля свабоды»

У пошуках лепшага жыцця тысячы людзей выязджалі з беларускіх зямель больш за сто год таму.…

9 красавіка 2025