Горад

У Гродне з’явіцца свая Зыбіцкая? Былая фабрыка цыгарэт і пальчатак ператвараецца ў тусовачнае месца

У Мінску ёсць Зыбіцкая, у Кіеве — «Арэна Сіці». Ці з’явіцца ў Гродне нешта падобнае? У самым цэнтры ёсць адно месца, якое неўзабаве можна будзе назваць самым жывым і тусовачным. Гэта фабрыка «Акцэнт» на Маставой.

За апошнія два гады колькасць гастра-устаноў у Гродне значна вырасла. Толькі ў будынку пальчаткавай фабрыкі «Акцэнт» сёлета з’явіліся два новыя бары: «SVABODA» і «МЯТА». Два гады раней там жа з’явіўся гастра-бар «Werden». А да 2016 года ў будынку «Акцэнта» дзесяцігоддзямі працавала толькі адна «Магнолія».

Як удалося высветліць Hrodna.life, гэта толькі пачатак. Сама вытворчасць пальчатак з будынка ўжо з’ехала: цяпер іх шыюць у будынку фабрыкі «Элод» на скрыжаванні Валковіча і 1 Мая. Праз гэта на Маставой стала значна больш вольных плошчаў для арэнды.

Яшчэ тры кавярні і бары — і ўсе з летнімі пляцоўкамі

Да канца 2018 года тут павінны адкрыцца яшчэ тры ўстановы, а чацвёртая пакуль у праекце. Усе арандатары — гродзенскія фірмы. Такім чынам, праз год тут можа быць не менш за восем (!) забаўляльных устаноў!

Пакуль што вядомыя толькі меркаваныя назвы трох месцаў: паб «Культура», бар «Прахадная» і кавярня «Крафт кава».

У «Акцэнце» расказалі, што ўсе бары жадаюць мець летнія пляцоўкі, аднак пакуль такой магчымасці няма. Акурат зараз ва ўнутраным дворыку вядуцца рамонтныя работы. Ён з часам павінен будзе ператварыцца ва ўтульнае месца, у якім можна будзе пасядзець, як у кавярнях у Заходняй Еўропе.

«База» яшчэ лідар, але ці надоўга?

Пакуль планы па пераўтварэнні «Акцэнта» ў своеасаблівы «забаўляльна-гастранамічны кластар» яшчэ не рэалізаваныя, месцам з самай вялікай канцэнтрацыя забаўляльных устаноў застаецца «База» і прылягаючыя да яе пляцоўкі. Але ў іх ёсць істотны для многіх наведнікаў мінус — яны далёка ад цэнтра горада.

[irp posts="83 305″ name="Пустая Савецкая, тусовачная Замкавая і аншлаг на Леніна: чым жыве начны Гродна"]

Даведка

Будынак пальчаткавай фабрыкі «Акцэнт» будаваўся пачаткова як тытунёвая фабрыка Шарашэўскага. Да 1880-х яна ператварылася з невялікага сямейнага прадпрыемства ў буйную вытворчасць, якая займала цэлы квартал у цэнтры горада. Там працавала каля 1500 чалавек. Пасля Другой сусветнай вайны, з 1967 года, у будынку знаходзілася вытворчасць пальчатак. Цяпер усе памяшканні там здаюцца ў арэнду.

Падзяліцца

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025