«Героем сябе не адчуваю». Афіцыянт уратаваў гродзенца, што збіраўся скочыць з даху універмага

21-гадовы Глеб сябе героем не лічыць, але дзякуючы яго дзеянням раніцай 13 мая ўдалося выратаваць хлопца ад скачка з даху ўнівермага.

Глеб вучыцца ў Медыцынскім універсітэце і працуе афіцыянтам у кафэ «Крыша мира». У той момант, калі хлопец пералез агароджу і збіраўся скочыць, Глеб не разгубіўся і распачаў спробы па выратаванні чалавека.

«У такой сітуацыі ўпершыню апынуўся. Героем сябе не адчуваю. Я зрабіў тое, што павінен быў зрабіць кожны, — распавядае Глеб. — Тое, што атрымалася ў мяне дапамагчы чалавеку, я вельмі рады гэтаму. А калі б не атрымалася, была б іншая гісторыя. Я проста першы там апынуўся і за сябе не баяўся, галоўнае было дапамагчы «.

Глеб распавядае, што адлегласць да хлопца было вялікая і яму давялося акуратна дробненькія крокамі падбірацца.

«Я пералез агароджу і пачаў падыходзіць да хлопца, а ён тым часам пачаў аддаляцца ад мяне. Ўвесь час глядзеў на мяне і таму я не мог да яго блізка падысці. Хлопец нічога не казаў. У адзін момант, калі было максімальнае напружанне ён пачаў панікаваць і я разумеў, што трэба дзейнічаць. Калі ён адвярнуўся, я падбег да яго і зрабіў захоп», — дадаў Глеб.

Калі афіцыянт затрымаў хлопца, да яго падбег заснавальнік кафэ «Крыша мира» Станіслаў Сідараў і дапамагаў ўтрымліваць, каб той не вырваўся.

«Я стаў шукаць спосаб, каб пералезці агароджу і дапамагчы чалавеку, — распавядае Станіслаў. — Глеб апынуўся першым і здолеў схапіць хлопца, і мне заставалася толькі дапамагчы. Малады чалавек, які збіраўся скакаць, быў цвярозы. Адзінае, што ён сказаў, гэта тое, каб яго не прыціскаць, бо яму было цяжка дыхаць. Словы былі адэкватныя. Мне здаецца, ён быў у стрэсавым стане. Што тычыцца Глеба, ён правільны чалавек і добры супрацоўнік. Яму трэба выпісаць прэмію і павесіць яго партрэт на дошку гонару».

Заснавальнік ўстановы распавядае, што на назіральнай пляцоўцы трэба яшчэ пашукаць месца, каб спакойна можна было пералезці агароджу. Ён адзначае, што з ходу чалавек не знойдзе такое месца. Здарэнне на назіральнай пляцоўцы адбылося ўпершыню за два гады працы. У вячэрні час на пляцоўцы працуе адміністратар, у дзённы вядзецца відэаназіранне.


У міліцыі расказалі, што спробу скочыць з даху прадпрыняў студэнт аднаго з гродзенскіх універсітэтаў. Малады чалавек 2000 года нараджэння. Ён дастаўлены для абследавання ў спецыялізаваную медыцынскую ўстанову. Абставіны здарэння высвятляюцца.

Падзяліцца

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025