22 мільёны прыліпалаў - гэта толькі пачатак. На Беларусь ідзе новая хваля бонсцікаў

Разумнік Гуглік, красотка-Зяба, смакоша Ёся і рагатун Лыба пад наглядам строга-вясёлай Фраў - гэта першыя бонсцікі з другой серыі цацак-прыліпал. Калекцыю бонсцікаў-2 прадставілі 12 мая ў мінскім Дрымлэндзе. Атрымаць у Еўраопце адну з 24 новых цацак можна будзе ўжо ад 15 мая за пакупку на мінімум 15 рублёў. Для калекцыянавання бонсцікаў распрацаваны спецыяльныя альбомы: тры мадэлі ў выглядзе галоўных герояў і адна — у выглядзе зоркалёта.

Па легендзе, першыя бонсцікі былі «малодшымі». У той час, пакуль яны весяліліся на нашай планеце, «старэйшыя» вучыліся ў школе. Зараз на Банітроне пачынаюцца канікулы і яны вырашылі ўслед за малымі зганяць на Зямлю. Прыглядаць за падлеткамі будзе настаўніца Фраў, завуч бансціянскай школы.

[irp posts="21 882″ name="Как выглядят новые Бонстики: «Евроопт» показал вторую коллекцию игрушек-липучек"]

У кожнага бонсціка свая спецыялізацыя і ўнікальныя таленты, каторымі яны збіраюцца падзяліцца з дзецьмі. Галоўнае, што бонсцікі пастараюцца быць карыснымі дзецям і навучаць іх вучыцца праз гульні, жарты і фокусы.

youtu.be/R0RJvSlJef0

Першымі пабачылі новых бонсцікаў удзельнікі «таемнай» прэзентацыі, куды запрасілі журналістаў і дзяцей. Адкрываць заветныя пакецікі і мяняцца паўторкамі ўдзельнікі сустрэчы пачалі адразу. «У каго лішні Вар-вар? Памяняю на Глазуна!» — знаёмы сцэнар абмену, адпрацаваны на першых бонсціках, спрацаваў і зараз.

Павал Дзядкоў, што адказвае за крэатыў і іннавацыі ў кампаніі, прызнаўся, што ў час першай акцыі «сам стаяў пад магазінам са жменяй бонсцікаў, каб вымяняць патрэбныя».

[irp posts="18 739″ name="Бонстики заинтриговали белорусских детей и улетели из Беларуси"]

Андрэй Зубкоў, адзін з топ-мэнэджараў «Еўрагандлю», распавёў пра эпізод абмену, што здарыўся ў яго жыцці: «Я гуляю ў вялікі тэніс, і мой партнёр, з якім ніколі не гулялі на інтарэс, аднойчы прыйшоў і папрасіў мяне згуляць на бонсціка Коцю. Зразумела, што было нельга выйграваць, таму што гэта фактычна трэба было адабраць гэтага бонсціка ў дзіцяці майго таварыша, таму ён трыумфатарам вярнуўся дадому».

Паводле Таццяны Курбат з аддзела па сувязях з грамадскасцю «Еўрагандалю», у краіне практычна не засталося людзей, якія не ведаюць пра цацкі-прыліпалы: «Публікацыі пра бонсцікаў у сацыяльных сетках прачытала больш за 7 млн ​​чалавек». У выніку першай акцыі Еўраопт атрымаў 110 000 новых лаяльных пакупнікоў, а беларусы ўзамен атрымалі 22 мільёны бонсцікаў.

www.youtube.com/watch?v=qskHW-XQoZA

Акрамя цацак вялікім попытам карысталіся брэндзіраваныя бонсцікамі тавары. Іх продажы падвысіліся за два месяцы акцыі ў шэсць разоў. Зараз, «па просьбах дзяцей і бацькоў», сетка пашырыла асартымент такіх тавараў. У новай акцыі іх будзе больш за 100 разнавіднасцяў - мяккія цацкі, адзенне, галаўныя ўборы, пасцельная бялізна, ручнікі, абутак, сталовыя прыналежнасці, нататнікі, ручкі, фламастэры і іншыя тавары.

Яны ўжо ёсць у продажы. Самі бонсцікі з’явяцца ў крамах 15 мая. Прадоўжыцца акцыя да 11 чэрвеня.

Для чытачоў Hrodna.life мы падрыхтавалі два падарункі - альбомы для размяшчэння калекцыі і па 15 запакаваных бонсцікаў. У панядзелак, 15 мая, мы апублікуем правілы розыгрышу: сачыце за абнаўленнямі і першымі атрымайце новых бонсцікаў!

Падзяліцца

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025