Беларуска Дар’я выдаткавала каля 4,1 тыс. рублёў на роспіс у Гродне. У TikTok дзяўчына падрабязна расказала, на што сышлі гэтыя грошы, між іншым прызнаўшы, што сума атрымалася высокай.
На б’юці-працэдуры, у тым ліку манікюр, педыкюр, макіяж і прычоску Дар’я аддала 270 руб. Сукенку дзяўчына купляла ў гродзенскага брэнда Krikate — лук абышоўся ў 380 руб., а за туфлі беларуска даплаціла яшчэ 210 руб. “Вельмі шмат”, – дадала Дар’я.
На прычоску, адзенне і абутак мужа сумарна пайшло 325 руб.
Букет Дар’я збірала ў дзень роспісу – кветкі абышліся нявесце ў 122 руб. Адным з самых бюджэтных пунктаў сярод выдаткаў аказалася рэгістрацыя ў ЗАГС – усяго адна базавая, гэта значыць 45 руб.
На пярсцёнкі супругі выдаткавалі каля 2,4 тыс. руб., а праца фатографа каштавала прыкладна 280 руб.
Дадаткова Дар’я палічыла паездкі на таксі і паход у кафэ – так сям’я выдаткавала прыкладна 4,1 тыс. рублёў на вяселле без гасцей у 2026 годзе.
Ад “вельмі бюджэтна” да “23 к беларускіх”: што пішуць каментатары?
У каментарах пад ролікам Дар’і меркаванні падзяліліся. Адны пішуць, што роспіс у Гродне атрымаўся сапраўды бюджэтным і нават параўноўваюць кошт паслугі з паходам да стаматолага. Іншыя іранізуюць, маўляў фактычна “роспіс каштуе адну базавую”, а астатняе – дадатковыя выдаткі па жаданні.
“Развод абыдзецца танней!!” – піша Кеша.
“Распісацца 45 рэ. А ўсё астатняе, гэта выдаткі ў нікуды”, – лічыць ОСОЗНАНИЕ.
“У Лідзе ў красавіку з арэндай хаткі на дваіх і ежай на шасцярых чалавек 8200”, – расказвае Анжеличка.
“У маёй сяброўкі 23 к беларускіх. Шыкоўнае вяселле выйшла”, – дзеліцца яшчэ адзін карыстальнік.
“Нешта Захара дорага пастрыглі, за 50 рублёў”, – жартуе Михалина.
Чытайце таксама: У Гродзенскай вобласці больш за 120 пар заключаць шлюб у люстраную дату
