У вобласці сярэдні ўзрост уступлення ў шлюб сярод мужчын – 32 гады, у жанчын – 30 гадоў. За дзесяць месяцаў 2025 года нарадзілася 4999 дзяцей, паводле статыстыкі Упраўлення юстыцыі Гродзенскага аблвыканкама. Лічбы апублікавала газета «Гродзенская праўда».
Самую юную сям’ю ўтварылі ў Лідскім раёне – супругу і жонцы па 15 гадоў. Аднымі з самых дарослых, хто прабраліся шлюбам, сталі 83-гадовы мужчына і 78-гадовая жанчына.
Сярод шлюбаў з замежнікамі ў вобласці лідзіруюць расіяне – 69 жаніхоў і 70 нявест. Таксама рэгіструюць шлюбы з грамадзянамі Латвіі, Казахстана, Малдовы, Гвінеі, Чэхіі і ЗША. Усяго такіх шлюбаў 252.
За няпоўны 2025 год у вобласці нарадзілі амаль пяць тысяч дзяцей, з іх 2566 – хлопчыкі. Сярэдні ўзрост бацькоў – 32 гады ў мужчын і 29 гадоў у жанчын. Самаму маладому бацьку 16, а маці – 15 гадоў.
Сярод самых папулярных імёнаў у нованароджаных дзяўчынак – Сафія. Усяго 130 дзяўчынак атрымалі такое імя. У лік рэдкіх жаночых імёнаў аднеслі Юну, Алімпію, Бажэну і Любаву.
У нованароджаных хлопчыкаў самае папулярнае імя Міхаіл – ім назвалі 159 чалавек. Сярод рэдкіх імёнаў – Антоній, Прохар, Радзіон і Томаш.
Чытайце таксама: 900 гродзенцаў вырашылі развесціся за няпоўны год: статыстыка судоў
