У Гродне на Таўлая, 63 на продаж выставілі трохпакаёвую кватэру з панарамай Дзевятоўкі і драпежнікамі ў інтэр'еры.
Кватэра размешчана ў панэльным доме 2010 года пабудовы, на восьмым паверсе дзевяціпавярховіка. З вокнаў адкрываецца панарамны від на раён. Агульная плошча кватэры — 80 м².
Інтэр'ер кватэры з ярка выяўленым аўтарскім аздабленнем, пабудаваным на кантрастах: тэкстуры дрэва, дэкаратыўны камень і буйныя фотапрынты на сценах спалучаюцца з глянцавымі фасадамі кухні і нейтральнымі адценнямі мэблі.
Гасцёўня аформлена ў цёплых адценнях з дэкаратыўнай сцяной з імітацыяй цаглянай кладкі. Люстра адсылае да зараснікаў хмызняку ў саване, а на сцяне разлёгся вялікі леапард. Два скураныя крэслы і канапа вылучаюць зону адпачынку. У калідор вядзе арка, таксама аздобленая пад цэглу, а там — шпалеры ў зігзагі і вакзальны гадзіннік, на сцянной шафе — скалы. Сцены іншага пакою таксама матывуюць да падарожжаў: шпалеры аформлены паштоўкамі з сусветнымі славутасцямі. На сцянной шафе ў ім расклаўся тыгр.
У спальні — спакойныя колеры, шпалеры з кветкавым малюнкам, цёмная драўляная мэбля. З пакоя ёсць выхад на зашклёную лоджыю, дзе зроблена зона адпачынку з падвесным крэслам. Усе пакоі ізаляваныя. Усталяваныя тры ёмістыя шафы-купэ.
Кухня плошчай 11,9 м² — ярка-жоўтая з чорным нізам, убудаванай тэхнікай і сталовай зонай. Ванна даволі стыльная, аздоблена чорным і белым, туалет — асобна.
Падлогі — ламінат і плітка. Санвузел раздзельны, аздоблены пліткай. Вышыня столяў стандартная, вокны — ПВХ. Пад’езд чысты, побач крамы, дзіцячая пляцоўка, школы і зручныя выезды.
За кватэру просяць $ 82 тыс.
Чытайце таксама:
