Права арэнды былога памяшканне крамы «Спорттавары» прадалі на аўкцыёне ў Гродзенскім гарвыканкаме. Цана вырасла адносіна пачатковай у 53 разы. За лот змагаліся двое ўдзельнікаў.
У былых «Спорттаварах» на Ажэшкі, 42 адкрыюць краму мужчынскага і жаночага адзення беларускай вытворчасці, расказалі ў гарвыканкаме.
Аўкцыён прайшоў 27 траўня. Пачатковая цана права арэнды крамы ў 443,4 кв.м і сутарэння да яго была 1522,06 руб. У выніку краму прадалі за 80 300 руб. Пераможца аўкцыёну можа арандаваць памяшканне на тры гады.
Крама «Спорттавары» працавала на Ажэшкі, 42 больш за 30 гадоў. У студзені 2020 года ў фірмы змяніўся ўласнік. У апошні час крама не вытрымлівала канкурэнцыі з сучаснымі маркетплейсамі. Гродзенцы скардзіліся на слабы асартымент, а супрацоўнікі вымушаны былі эканоміць электрычнасць і не ўключаць святло. З лютага 2024 па сакавік 2025 эканамічны суд Гродзенскай вобласці ўзбудзіў у дачыненні да «Спорттавараў» восем прыказных вытворчасцяў. Крама завінавацілася пастаўшчыкамі амаль 79 тыс. руб. У сакавіку 2025 уласнік вырашыў ліквідаваць юрыдычную асобу.
