Нерухомасць тыдня: у Гродне прадаюць кватэру на 16 паверсе з ільвом і дэкаратыўным камінам

На Дзевятоўцы прадаюць трохпакаёвую кватэру на апошнім паверсе 16-павярховага дома. Акрамя шыкоўнага выгляду на палі за мікрараёнам Грандзічы, новы ўладальнік атрымае стыльны малюнак на сцяне і дэкаратыўны камін з ляпнінай. Частка кватэры аздоблена ў стылі лофт.

Жыллё размешчана на вуліцы Белыя Росы, 65. Агульная плошча — 71,6 кв. м, з іх жылая — 39,7 кв. м, а 10,3 кв. м займае кухня. Сам дом пабудаваны ў 2014 годзе.

Кватэра з рамонтам у стылі лофт. Прастора аб’яднанай кухні і гасцінай аформлена дэкаратыўнай цэглай і ляпнінай, распрацаванай беларускай мастачкай, на сцяне — стыльны малюнак. У гэтай зоне усталяваны дэкаратыўны камін. Асвятленне рэгулюецца: на кухні — дзве люстры і кропкавыя свяцільні. Спальня і дзіцячы пакой выкананы ў спакойных адценнях, сцены абклееныя шпалерамі.

Падлогі ў кватэры — ламінат, столі — нацяжныя. Уваходныя дзверы металічныя, вокны — ПВХ. У пярэдпакоі для аздаблення выкарыстаны дэкаратыўны камень. У кватэры абсталявана гардэробная, ёсць зашклёная лоджыя. Санвузел раздзельны. У туалеце дадаткова ўстаноўлена бідэ, а ў ванным пакоі ёсць і душавая кабінка, і ванна. Кватэра прадаецца з мэбляй і тэхнікай.

Вокны выходзяць на Лапенкі і новы мікрараён Грандзічы. Від раскрываецца да самага гарызонту. Побач з домам ёсць крамы, школа, дзіцячы сад, банк, паліклінікі і прыпынкі грамадскага транспарту. Ёсць месцы для паркоўкі.

Цана кватэры — $ 77 500.

Чытайце таксама:

• Недвижимость недели: квартира на Фолюше и тайная комната
• Недвижимость недели: в центре Гродно продают квартиру с мостом из Сан-Франциско во всю стену
• Недвижимость недели: продается квартира на 10 этаже, вся отделанная кирпичом