З 5 красавіка ў Гродне талоны на праезд у гарадскім грамадскім транспарце даражэюць на 10 капеек. Новая цана — 90 капеек. У кіроўцы талон будзе каштаваць 1 рубель.
Для экспрэсных маршрутаў цана на білет складзе 90 капеек. Тарыфы на прыгарадныя перавозкі пасажыраў, багажу і ручной паклажы выраслі на 1 капейку за кіламетр: на звычайных маршрутах — 11 капеек, на хуткасных маршрутах — 13 капеек, на дадатковых рэйсах — 13 капеек, на экспрэсных маршрутах — 14 капеек.
Рашэнне Гродзенскага абласнога выканаўчага камітэта аб падаражанні апублікавалі на Нацыянальным прававым партале 4 красавіка, яно ўступае ў сілу пасля афіцыйнага публікавання. Цэны на праезд падымаюць таксама ў Мінску і ў Брэсцкай вобласці, раней цана вырасла ў Магілёўскай і Мінскай абласцях.
Колькі каштуюць праязныя
Месячныя праязныя білеты каштуюць:
- аўтобус: 40,50 рублёў;
- тралейбус: 40,50 рублёў;
- аўтобус і тралейбус: 54,05 рублёў.
Дэкадныя праязныя білеты:
- аўтобус: 14,25 рублёў;
- тралейбус: 14,25 рублёў;
- аўтобус і тралейбус: 19,02 рублёў.
Праязныя білеты на ½ месяца:
- аўтобус: 21,60 рублёў;
- тралейбус: 21,60 рублёў;
- аўтобус і тралейбус: 28,47 рублёў.
Месячныя праязныя білеты «працоўнага дня»:
- аўтобус: 32,40 рублёў;
- тралейбус: 32,40 рублёў;
- аўтобус і тралейбус: 43,21 рублёў.
Праязныя білеты на ½ месяца «працоўнага дня»:
- аўтобус: 17,28 рублёў;
- тралейбус: 17,28 рублёў;
- аўтобус і тралейбус: 22,80 рублёў.
Апошні раз праезд даражэў тры гады таму — 10 красавіка 2022 года, таксама на 10 капеек.
Чытайце таксама: Аплата праезду карткай і новыя электронныя табло. Якія змены рыхтуе гродзенскі аўтапарк у 2025 годзе?
