Навіны

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі гіганцкіх кветак, дзе-нідзе стаяць люстэркі для сэлфі, ёсць фотазона з пчоламі, кавай і плюшавым мядзведзікам. Месцы, дзе можна зрабіць цікавыя фота ў Гродне, падгледзелі ў TikTok @zatestil_grodno.

1. Кафэ «Наше место»: вул. Дарвіна, 24

Велізарная пышная арка з палявых кветак і матылькоў упрыгожвае ўваход у кафэ «Наше место» на Дарвіна. Побач паставілі тры вялізныя ружовыя шклянкі для кавы — кампазіцыя зараджае на бадзёрасць. На адным з якіх напісана: «Just drink it». Кантраст яркага дэкору з нейтральным фасадам будынка робіць зону асабліва фотагенічнай.

Крыніца: TikTok @zatestil_grodno
Крыніца: Instagram установы
Крыніца: TikTok @zatestil_grodno
Крыніца: Instagram установы

2. Angel to Angel: вул. Вялікая Траецкая, 37

Упрыгожванні ля ўваходу ў краму кветак і дэкору Angel to Angel на Вялікай Траецкай ужо сталі традыцыяй. Цяпер там усталявалі высокую шэрую канструкцыю ў выглядзе ліхтара ці будкі, упрыгожаную белымі кветкамі — падобна, яблыні — і лазой. Унутры — люстэрка з надпісам «Празднуем любовь». Фотазона атрымалася стыльнай і пяшчотнай.

3. «Прафiтроля»: вул. Савецкая, 1

Кафэ-пякарня «Прафітроля» на Савецкай таксама традыцыйна ўпрыгожвае ўваход са зменай сезонаў. Гэтай вясной там з’явіліся вялікая «мядовая» інсталяцыя: карычневая канструкцыя ў выглядзе сотаў, з якіх вызіраюць пухнатыя чмялі з крыльцамі. Паміж імі — ярка-жоўтыя кветкі і дэкаратыўны пылок. Кампaзіцыя стварае асацыяцыі з цяплом, прысмакамі і вясеннім настроем.

Фота: Instagram @vid_grodno
Фота: Instagram maria_chmel21
Фота: Instagram @vid_grodno
Фота: TikTok @zatestil_grodno
Фота: Instagram @vid_grodno

5. Jennie.T. Home: вул. Кірава, 18

Уся прыбудова з уваходам у краму прысмакаў і падарункаў Jennie.T. Home схавалася пад пышнымі аблокамі з цюлем яркіх колераў: ружовага, жоўтага, бірузовага і крэмавага. Сярод іх — дэкаратыўныя дэсерты: марозіва, макаруны і ярка-ружовы пернікавы домік з ялінкамі. Побач, як і ўзімку, сядзіць вялікі белы плюшавы мядзведзь і як бы чакае, каб з ім хто-небудзь сфатаграфаваўся.

5. ГЗК TRINITI (2 паверх)

Фотазона ад брэнда Conte на другім паверсе ГЗК Triniti — ярка-ружовы пушысты куб. Сцены і падлога пакрыты штучным мехам. Унутры — люстэрка, падыходзячае для стыльных фота ў поўны рост — такія фота дакладна дапамогуць вылучыцца ў стужцы.

Крыніца: Instagram @alhim_0221
Крыніца: TikTok @zatestil_grodno

Чытайце таксама: Дзе квітнее Гродна? Месца для прыгожых фота нанеслі на карту

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025