Каля аўтавакзала ў Гродне адкрылася кавярня з кнігамі і «дзіцячымі» напоямі

У Гродне на Кірава, 45 на месцы салона прыгажосці адкрылася новая кавярня пад назвай Bafett. Тут ёсць кнігі, якія можна пачытаць на месцы. У меню — традыцыйныя кававыя напоі ад эспрэса да рафа, а яшчэ — аўтарскія пазіцыі і «дзіцячыя» кавы.

Кава каштуе ад 4 да 9 рублёў. Ёсць аўтарскія напоі - «Баунці», «Папкорн», «Кароўка». Таксама ў меню прадстаўлены дзіцячы кактэйль «Кіндэр», кактэйль з маршмелаў і гарачы шакалад. Ёсць халодныя кававыя напоі. Усё можна зрабіць на безлактозном або альтэрнатыўным малацэ.

Інтэр'ер кавярні вытрыманы ў светлых танах. Для ўпрыгожвання выкарыстоўвалі штучныя ліяны. На сцяне зрабілі імітацыю цэглы. Сталы — драўляныя.

Baffet знаходзіцца ў адным будынку з салонам прыгажосці і пунктам выдачы «СДЭК». Іх кліентам абяцаюць зніжку. Пакуль кавярня працуе ў тэставым рэжыме:

• ПН-ПТ: 10.00−19.00,
• СБ: 10.00−16.00,
• НД: выхадны.

Уладальнікі адзначаюць, што яны размешчаны вельмі блізка да аўтавакзала. «Калі ты госць нашага горада, будзем рады парадаваць цябе смачнай кавай, падзарадзіць тэлефон і расказаць пра самы цудоўны горад Гродна», — пішуць яны. Для сацсетак здымаюць рылсы з гумарам.

Чытайце таксама: У гродзенскай кандытарскай з’явілася кавярня — там падаюць аўтарскія дэсерты і матчу з бергамотам