Для дыстанцыйнай працы ў Гродне прапануюць шэсць вакансій. Паглядзелі на сайце службы занятасці, кім і дзе ў Гродне можна працаваць аддалена.
Спецыяліст па працы з кліентамі (1000 рублёў) патрабуецца ў ТАА «Трыавіст». У задачы ўваходзяць апрацоўка званкоў, заказаў, кансультаванне кліентаў па асартыменце, паслугах і сэрвісам 21vek.by. Патрэбен інтэрнэт з прыдатнай хуткасцю. Перад працай трэба прайсці аплачванае двухтыднёвае навучанне.
Інжынер-праекціроўшчыка (3000−3500 рублёў) прымуць на аддаленую працу ў прыватнае прадпрыемства «СМУ 48». Працаваць тут можна ў вольным графіку. Сярод задач — распрацоўка праектнай дакументацыі і ўдзел у праходжанні экспертызы.
На тое ж прадпрыемства патрабуецца каштарысчык (3000−3500 рублёў). Яму трэба складаць каштарысную дакументацыю на праектныя працы і праходзіць экспертызы. Праца магчымая на тых жа ўмовах, што ў інжынера.
Менеджара па маркетынгу (750−1300 рублёў) шукаюць у ТДА «Семіраміда». Абавязковы досвед працы ў два гады. Ёсць вольны графік.
Аператар відэазапісу (600 рублёў) патрэбен на прыватным прадпрыемстве «Група кампаній «Лізэт-СТ» для здымкі рэкламнага кантэнту.
На пасадзе тэхніка (1000−1500 рублёў) у ТАА «Эльмакс» таксама можна працаваць аддалена на вольным графіку. На працу возьмуць з вышэйшай адукацыяй.
Чытайце таксама: На пошты ў Гродзенскай вобласці шукаюць 220 супрацоўнікаў
