Новы мікрараён з’явіцца на месцы былой вёскі Панямунь на выездзе з Гродна ў напрамку Мінска. Будаўніцтва плануюць пачаць у чацвёртым квартале 2025 года. Тэрміны пачатку работ пераносіліся двойчы: першапачаткова Панямунь збіраліся забудоўваць у 2018 годзе, пасля ў 2022.
Пабудуюць паркінгі і захаваюць гаражы: якой будзе новая Панямунь
У мікрараёне з’явяцца 2 тыс. кватэр, а таксама транспартная, інжынерная і сацыяльная інфраструктуры. Пабудуюць і паркінгі агульнай умяшчальнасцю на больш чым 2 тыс. машын, паведамілі ў Telegram-канале «Пул 4 Регион». Зараз на тэрыторыі будучага мікрараёна ёсць гаражы — пры будаўніцтве Панямуні зносіць іх не будуць.
Будаўніцтва пераносілі ўжо некалькі разоў
Будаўніцтва мікрараёна хацелі пачаць яшчэ ў 2018 годзе. Праз чатыры гады з’явіўся праект дэталёвай планіроўкі Панямуні: у мікрараёне павінны былі з’явіцца дамы сярэдняй паверхавасці (ад 5 да 13 паверхаў) з абгароджанай дваровай тэрыторыяй. У выніку праект даслалі на дзяржаўную і экалагічную экспертызы.
Зараз, мяркуючы па новых рэндэрах, паверхавасць раёна вырашылі павялічыць — дамы пачынаюцца ад 8 паверхаў. У новай Панямуні плануецца пасяліць да 5000 чалавек.
Як мяняўся праект забудовы Панямуні
Чытайце таксама: Архітэктары паказалі, што пабудуюць у гродзенскай Панямуні
