Навіны

Пару з Гродна судзяць за арганізацыю прастытуцыі

У Гродне працягваецца суд за ўцягванне ў прастытуцыю і злоўжыванне ўладай. Мяркуючы па ўсім, судзяць кадравіка і работніка сферы адукацыі - Дзіяну Солдзень і Максіма Казуленка. Рэдакцыя Hrodna.life з Digital Intelligence Team паглядзелі, што вядома пра пару.

Пра справу стала вядома з раскладу судовых пасяджэнняў. Дзіяну Солдзень і Максіма Казуленку судзяць па двух артыкулах КК:

  • Артыкул 171−1. Уцягванне ў занятак прастытуцыяй альбо прымус да працягу заняткі прастытуцыяй,
  • Артыкул 424. Злоўжыванне ўладай або службовымі паўнамоцтвамі.

Справу разглядае Станіслаў Пранько ў судзе Гродзенскага раёна.

Скрыншот з пасяджэння суда

Каго судзяць за ўцягванне ў прастытуцыю?

Якіх-небудзь відавочных перасячэнняў і сувязяў паміж абвінавачанымі знайсці не ўдалося.

Digital Intelligence Team лічыць, што абвінавачаная — ураджэнка Літвы Дыяна Солдзень 1979 года нараджэння. У акаўнце Facebook у яе ёсць сябры з Вільні. Дыяна замужам за беларусам, ёсць беларускі від на жыхарства. Жыла ў Мінску ў 2008−2012 гадах.

Яна працуе начальнікам упраўлення кадравага і прававога забеспячэння холдынгу «Беларуская шкляная кампанія». Год таму на міжнароднай спецыялізаванай выставе «Адукацыя і кар’ера» Солдзень распавядала, як на шкляных прадпрыемствах падтрымліваюць маладых спецыялістаў і як з’яўляюцца працоўныя дынастыі.

Што тычыцца Максіма Казуленкі, Digital Intelligence Team таксама знайшоў супрацоўніка сферы адукацыі з такімі звесткамі. Ён нарадзіўся ў 1992 годзе ў Слоніме. Як і Дзіяна, жыве ў Гродне з 2012 года. Працаваў у музычных школах. У 2021 годзе пайшоў на менеджарскую пазіцыю — намесніка кіраўніка па ідэалагічнай рабоце ў Палацы творчасці дзяцей і моладзі. У 2024 годзе працаваў намеснікам дырэктара ў СШ № 36 Гродна і дырэктарам у «Прываллэнд». Актыўна выступаў на дзяржаўных мерапрыемствах.

Чытайце таксама: Маці дзіцяці-інваліда прасіла на сайце знаёмстваў 20 рублёў за сэкс. Ёй далі штраф за прастытуцыю

Падзяліцца

Апошнія запісы

Былыя «Спорттавары» выставілі на аўкцыён: за колькі можна арандаваць краму ў цэнтры Гродна?

Памяшканне былой крамы «Спорттавары» на Ажэшкі, 42 у Гродне можна ўзяць у арэнду. Аўкцыён па…

6 мая 2025

У Гродне пашыраць зону, свабодную ад матацыклаў па начах

Для зручнасці жыхароў і гасцей горада ў Гродне ўводзяць новую схему абмежавання руху мотатранспарту. Існуючая…

5 мая 2025

У Лідзе з’явіўся новы мурал — але проста так вы яго не ўбачыце

Мурал стварылі спецыяльна для "Музея Лідскага бровара". Убачыць яго можна падчас экскурсіі на піваварню 1876…

3 мая 2025

На БелАЭС з’явіцца мабільны сканер радыяцыі

Мабільны комплекс радыяцыйнага сканавання купляюць на Беларускую АЭС. Удзельнікам закупкі можа быць юрыдычная або фізічная…

3 мая 2025

Нерухомасць тыдня: кватэра на Фолюшы і таемны пакой

На Фолюшы з'явілася новая прапанова — трохпакаёвая кватэра ў жоўтых танах з таемным пакоем. Жыллё…

2 мая 2025

У Гродне з аўкцыёну прададуць аўтамабіль актывіста Ежы Грыгенча

З аўкцыёну ў Гродне прадаюць мікрааўтобус Volkswagen Transporter. Ён належыць актывісту Ежы Грыгенча, завочна асуджанаму…

2 мая 2025