Крэўскі замак. 2019 год. Фота: Svaboda.org
Падчас археалагічных раскопак пад руінамі Крэўскага замка выявілі заходні кут трэцяй вежы, які захаваўся. Гэтую інфармацыю на сваёй Facebook-старонцы пацвердзіў кіраўнік раскопак Алег Дзярновіч. Там яго віншуюць і называюць знаходку сенсацыяй.
Падмурак вежы знайшлі раней — у ліпені 2023 года. Яго закансервавалі. «Гэта адкрыццё перакрэслівае меркаванне, якое панавала дзесяцігоддзямі: што Крэўскі замак быў дастаткова прымітыўны, трапецыя з дзвюма вежамі. Высвятляецца, што структура замка была больш складаная і больш разгалінаваная», — пісаў тады Алег Дзярновіч.
У студзені 2025 года Дзярновіч паведаміў, што дыскусія падчас міністэрскай нарады «скончылася на карысць правядзення даследаванняў трэцяй вежы». Ужо ў канцы лютага 2025 археолаг распавёў, што пад заваламі разбуранай вежы быў знойдзены заходні кут трэцяй вежы.
Руіны Крэўскага замка прызнаны гісторыка-культурнай каштоўнасцю міжнароднага значэння. Гэта адзін са старажытных замкаў на тэрыторыі былога ВКЛ.
Пасля знаходкі падмурка трэцяй вежы сярод археолагаў узнікла дыскусія. Адны лічылі, што знаходка сенсацыйная, бо раней аснова трэцяй вежы не згадвалася ні на выявах, ні на планах, ні ў апісаннях. Іншыя спецыялісты палічылі, што такая пазіцыя дыскрэдытуе археалогію.
«Слухайце, а як гэта магчыма на трэцім (ці чацвертым?) дзесяцігоддзі археалагічных даследванняў замка знайсці новую вежу? А як гэта магчыма другое (ці трэцяе?) дзесяцігоддзе ладзіць рэстаўрацыйныя працы без такой падставовай інфармацыі? Ці гэта не татальная дыскрэдытацыя археалогіі і так званай навуковай рэстаўрацыі?», — выказваўся ў сваім Facebook гісторык і культурны антраполаг Сцяпан Стурэйка.
Чытайце таксама: У двары Крэўскага замка выявілі падмурак невядомай раней пабудовы
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…