Гасцініца знаходзіцца ў вёсцы Кашэўнікі. У сядзібе ёсць шэсць нумароў, зала, бар і кабінеты — памяшканні гатовы для засялення гасцей. Аб’яву аб продажы гасцініцы размясцілі на пляцоўцы «Куфар».
Плошча гасцініцы разам з летняй верандай — амаль 747 кв.м. У аснове будынка — маналітны падмурак. Вонкавыя сцены складаюцца з бетонных блокаў, дах уцеплены.
У сядзібу праведзены ўсе камунікацыі - ёсць цэнтральнае водазабеспячэнне ад воданапорнай вежы і каналізацыя. Ацяпляецца будынак газавым катлом.
Плошча ўчастка, на якім знаходзіцца гатэль, складае 0,3588 га. За 400 метраў ад яго працякае Нёман.
Унутры гасцініцы ёсць шэсць нумароў, абсталяваных санвузламі, агульная зала, бар і кабінеты. На летняй тэрасе ўстаноўлена вулічная печ.
Прадавец адзначае, што аб’ект можна выкарыстоўваць як гасцявы дом, гатэль або аграсядзібу.
За гатовы бізнэс просяць 1 270 800 руб ($ 385 тыс.).
Чытайце таксама: Пад Гроднам прадаюць гатовы бізнэс — глэмпінг у выглядзе трохкутнікавага доміку
