Ілюстрацыйнае фота
Вакцына супраць ВПЧ (вірус папіломы чалавека) з’явіцца ва ўстановах аховы здароўя ў траўні. Дзеці, якія па ўзросце падыходзяць для вакцынацыі, атрымаюць прэпарат за кошт рэспубліканскага бюджэту, паведамілі ў Рэспубліканскім цэнтры гігіены, эпідэміялогіі і грамадскага здароўя.
Прышчэпліваць ад ВПЧ будуць дзяўчынак ва ўзросце да 11 гадоў. Як раней паведамляў мінздраў, арганізаваная вакцынацыя дзяўчынак 2014 года нараджэння пачнецца ў красавіку-траўні (1-я доза вакцыны) і ў кастрычніку-лістападзе (2-я доза вакцыны).
Прышчэпку ад ВПЧ уключылі ў Нацыянальны каляндар у студзені 2025 года. Да гэтага атрымаць вакцыну можна было толькі на платнай аснове.
Па стане на 2024 год кошт трох доз вакцыны ў мінскай паліклініцы складаў 1150 руб. Адна доза вакцыны ў Гродзенскім абласным клінічным перынатальным цэнтры каштавала амаль 340 руб. Аднак запісацца на вакцынацыю было праблематычна — прэпарата ва ўстанове не было.
Вакцынацыя супраць ВПЧ дапамагае абараніць жанчын ад раку шыйкі маткі. Эфектыўнасць прышчэпкі перавышае 90%.
У Беларусі рак шыйкі маткі займае другое месца сярод самых распаўсюджаных анкалагічных захворванняў у жанчын. Штогод у краіне дыягнастуецца больш за 900 выпадкаў гэтай хваробы, саступаючы па частаце толькі раку грудзей.
Чытайце таксама: Як беларусы спрабавалі прышчапіцца ад ВПЧ, але не маглі гэта зрабіць з-за адсутнасці вакцыны
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…