У 2025 годзе ў Гродзенскай вобласці высадзяць больш за 43 тыс. дрэў, 12 тыс. кустоў і 3,5 млн кветак. Уладкуюць 16 гектараў газонаў - 22 міжнародныя футбольныя палі. Гэта ў два разы больш зеляніны, чым летась.
Пра рост пасадак паведаміў тэлерадыёкампаніі «Гродна» намеснік старшыні Гродзенскага абласнога камітэта прыродных рэсурсаў і аховы навакольнага асяроддзя Аляксандр Адаменка. Спецыялісты падбіраюць пароды дрэў, устойлівыя да гарадскіх умоў.
Па тэме: У гродзенскім парку зробяць зялёны лабірынт з 700 туй. Дзе менавіта — і што думаюць гараджане?
Гродна — самы незялёны абласны цэнтр у Беларусі
Па стане на 2024 год Гродна аказаўся самым незялёным абласным цэнтрам краіны. Азеляненне горада склала 41,8%.
Такія нізкія паказчыкі абумоўлены тым, што большая частка (85%) азелянёных тэрыторый, якія ёсць у Гродне і куды можна было б пайсці адпачыць, — гэта гарадскія лясы. Добраўпарадкаваных месцаў, прыдатных для прагулак, у горадзе мала: у Пышках, Ласосна, Румлёва, Сцежка здароўя ў парку Панямунь, невялікі ўчастак лесу на Кабяка, два паркі ў цэнтры. Неўладкаваныя зялёныя зоны, па якіх нязручна гуляць, не могуць улічвацца пры разліку забяспечанасці гродзенцаў азелянёнымі тэрыторыямі.
Чытайце таксама: Кветкі на Стары мост вярнуць, а ў парку Жылібера зробяць зялёны лабірынт. Як зменіцца Гродна ў 2025 годзе
