Фота uродзенскага вядоўцы і шоўмэна Андрэя Ірхі без яго ведама выкарыстоўвалі на сайце Mamba.ru у чужым профілі. Hrodna.life падрыхтаваў інструкцыю, як быць, калі ваша фота скралі і размясцілі на сайце знаёмстваў.
Пра сітуацыю гарадзенец даведаўся выпадкова — яму даслалі скрыншот з падробленым профілем іншыя людзі. Яго фота скарыстаўся чалавек, падпісаны як Максім, 41 год.
«Але з хера 41 год? Паставілі б 27 не было б пытанняў», — пажартаваў вядоўца ў сваім Instagram. Таксама ён напісаў, што «будзе высвятляць», і прасіў падпісчыкаў пры магчымасці падзеліцца нумарам тэлефона «Максіма», каб патэлефанаваць і пагаварыць з ім.
Скрадзенае фота адносна свежае — Андрэй апублікаваў яго 15 студзеня ў пасце пра паездку на Эльбрус.
Што рабіць, калі ваша фота апублікавалі без вашай згоды
Калі ваша фота з вашым тварам без дазволу размясцілі на сайце знаёмстваў пад чужым імем і дадзенымі, вось што дапаможа выдаліць яго і абараніць вашы правы.
1. Зрабіце скрыншоты
Зафіксуйце доказы:
- зрабіце скрыншот старонкі з вашым фота і ілжывымі дадзенымі;
- зафіксуйце URL-адрас старонкі;
- запішыце дату і час выяўлення.
2. Знайдзіце кантактныя дадзеныя падтрымкі сайта
Звычайна ў сайтаў знаёмстваў ёсць раздзелы «Падтрымка», «Зваротная сувязь» або «Палітыка прыватнасці», дзе можна знайсці кантактныя дадзеныя.
3. Падайце скаргу ў падтрымку сайта
Адпраўце ў службу падтрымкі паведамленне з патрабаваннем выдаліць ілжывы профіль. Пазначце:
- што ваша фатаграфія выкарыстоўваецца без дазволу;
- што апублікаваныя дадзеныя ілжывыя;
- дайце спасылку на профіль, а таксама прыкладзеце скрыншоты;
- папярэдзьце, што можаце звярнуцца ў кампетэнтныя органы і папрасіце расказаць вам аб выніках разгляду вашай скаргі.
4. Праверце палітыку прыватнасці і законы
У многіх краінах законы аб абароне персанальных дадзеных (напрыклад, GDPR у Еўрасаюзе, Закон «Аб інфармацыі, інфарматызацыі і абароне інфармацыі» ў Беларусі, Закон аб персанальных дадзеных у Расіі) забараняюць выкарыстанне чужых малюнкаў без згоды. Калі падтрымка сайта адмаўляе ў выдаленні, нагадаеце ім пра гэта.
5. Звярніцеся ў рэгулятарныя органы
Калі сайт ігнаруе скаргу, вы можаце падаць скаргу ў орган па абароне персанальных дадзеных. Напрыклад:
- Беларусь: Нацыянальны цэнтр абароны персанальных дадзеных (НЦЗПД). Скаргу можна адправіць па пошце (220 004 г. Мінск, вул. к. Цэткін, 24−3) альбо даставіць асабіста;
- Расія: Роскамнагляд;
- ЕС: нацыянальныя органы абароны дадзеных (спіс тут);
- ЗША: Федэральная гандлёвая камісія (https://www.ftc.gov/).
У выпадку Андрэя Ірхі яго фота размясцілі на расійскім сайце знаёмстваў. Ён можа падаць скаргу праз грамадскую электронную прыёмную Роскамнагляда, падаўшы ўсе неабходныя звесткі і прыклаўшы доказы парушэння яго правоў. Таксама ён можа звярнуцца ў Нацыянальны цэнтр абароны персанальных дадзеных у Беларусі. У скарзе трэба паказаць, што персанальныя дадзеныя выкарыстоўвалі без яго згоды на замежным рэсурсе. НЦЗПД можа даць кансультацыю і прыняць меры ў рамках міжнароднага супрацоўніцтва.
6. Напішыце скаргу ў Google (калі профіль індэксуецца)
Калі Ілжывы профіль з’яўляецца ў пошуку Google, падайце скаргу для выдалення.
7. Калі фота выкарыстана з мэтай махлярства — звярніцеся ў праваахоўныя органы
Калі ваш здымак выкарыстоўваецца для падману (напрыклад, знаёмства з мэтай вымагальніцтва), падайце заяву ў міліцыю. Калі сайт працягвае ігнараваць скаргі, можна падаць пазоў аб парушэнні правоў на выяву і патрабаваць кампенсацыю.
8. Паведаміце сябрам і знаёмым
Калі ілжывы профіль выкарыстоўвае ваша фота для камунікацыі з іншымі людзьмі, папярэдзьце знаёмых, каб яны не трапляліся на падман.
Важна дзейнічаць хутка, бо ваш здымак могуць распаўсюджваць далей.
