Правайдэр телеком-, ІКТ- і кантэнт-паслуг velcom|A1 (з 2007 г. — член A1 Telekom Austria Group) завяршае фінальны этап свайго рэбрэндынгу. З 12 жніўня 2019 года кампанія пяройдзе да выкарыстання ў аперацыйнай дзейнасці брэнда А1.
Гэта змяненне стане вынікам рэпазіцыянавання velcom: апошнія некалькі гадоў кампанія актыўна развівала новыя напрамкі бізнесу. Так, сёння кліентам кампаніі даступныя паслугі мабільнай і фіксаванай сувязі, захоўвання і апрацоўкі дадзеных, інтэрактыўнага тэлебачання, а таксама забаўляльны кантэнт.
«За з’яўленнем у Беларусі А1 стаіць нашмат больш, чым проста змена лагатыпа velcom. Замацаваннем новага брэнда на рынку мы завяршаем 20-гадовы шлях velcom — першага GSM-аператара Беларусі - і адкрываем новую главу ў гісторыі кампаніі як правайдэра паслуг у сферы тэлекамунікацый, інфармацыйна-камунікацыйных тэхналогій і забаўляльнага кантэнту. Цяпер нашы кліенты змогуць атрымліваць увесь спектр прадастаўляемых кампаніяй прадуктаў і паслуг ў аднаго пастаўшчыка пад імем А1», — адзначыў генеральны дырэктар velcom|A1 Гельмут Дуз.
На рускай мове новы брэнд вымаўляецца як «А один», варыянт на беларускай мове — «А адзін». Спалучэнне першай літары алфавіту і першай лічбы ў нумарным шэрагу ў назве А1 азначае «першакласны», «цудоўны». Новыя фірмовыя колеры кампаніі - белы у якасці асноўнага, а таксама чырвоны і чорны ў якасці акцэнтных.
Для кліентаў А1 змена брэнда не пацягне за сабой неабходнасць заключэння новых пагадненняў альбо замены абаненцкага абсталявання (SIM-карт, маршрутызатараў, тэлевізійных прыставак і г. д.). Умовы заключаных раней дагавораў (у тым ліку якія датычацца набыцця абсталявання ў растэрміноўку) захоўваюцца. Пры гэтым на экранах смартфонаў і іншых прылад імя сеткі velcom зменіцца на A1 BY. Выкарыстанне кампаніяй у камунікацыі брэндаў velcom і velcom|A1 будзе спынена пачынаючы з 12 жніўня.
З нагоды завяршэння фінальнага этапу рэбрэндынгу кампанія A1 запрашае ўсіх мінчан і гасцей сталіцы на вялікі канцэрт пад адкрытым небам, які адбудзецца ў нядзелю 11 жніўня на плошчы каля Палаца Спорту. На адной сцэне выступяць гурты «Без билета» (Беларусь), Morandi (Румынія) і Горан Брэгавіч са сваім аркестрам (Сербія). Пачатак канцэрту, а 18:00, уваход бясплатны.
Аб кампаніі A1 ў Беларусі
A1 — правайдэр тэлекамунікацыйных, ІКТ- і кантэнт-паслуг у Беларусі. Камерцыйную дзейнасць кампанія пачала 16 красавіка 1999 году, стаўшы першым мабільным аператарам стандарту GSM у краіне. З лістапада 2007 г. кампанія ўваходзіць у склад групы A1 Telekom Austria Group. Да жніўня 2019 г. кампанія вяла аперацыйную дзейнасць пад брэндам velcom.
Абанентамі мабільнай сувязі A1 ў Беларусі з’яўляюцца больш 4,87 млн чалавек, больш за 1 млн хатніх гаспадарак маюць доступ да сеткі фіксаванай сувязі па тэхналогіях GPON і Ethernet ва ўсіх абласных гарадах і большасці раённых цэнтраў. Акрамя таго, A1 прадастаўляе паслугі лічбавага тэлебачання IPTV пад брэндам VOKA, а таксама паслугі захоўвання дадзеных і сэрвісы на базе ўласнага дата-цэнтра, аднаго з найбуйнейшых у краіне.
Аб групе кампаній A1 Telekom Austria Group
A1 Telekom Austria Group — вядучы правайдэр тэлекамунікацыйных паслуг і лічбавых рашэнняў у Цэнтральнай і Усходняй Еўропе з агульным лікам карыстальнікаў больш за 25 млн. Кампанія працуе ў 7 краінах: Аўстрыі, Беларусі, Балгарыі, Харватыі, Славеніі, Сербіі і Паўночнай Македоніі. Агульны даход A1 Telekom Austria Group на рынку тэлекамунікацыйных паслуг і фінансавым сектарах склаў на канец 2018 г. 4,47 млрд еўра. Агульны штат ўсіх кампаній групы налічвае каля 19 тыс. супрацоўнікаў. A1 Telekom Austria Group з’яўляецца еўрапейскім падраздзяленнем кампаніі América Móvil, аднаго з найбуйнейшых сусветных правайдэраў бесправадных паслуг.
